Balayya Babu: కరోనా భారిన పడ్డ బాలయ్య.. ఆందోళనలో అభిమానులు..!

June 24, 2022 / 07:23 PM ISTByFilmy Focus

Join Us

Balayya Babu: కరోనా భారిన పడ్డ బాలయ్య.. ఆందోళనలో అభిమానులు..!

ఇండియాలో మళ్ళీ కరోనా హడావిడి మొదలైంది. రోజుకి 15 వేలకు పైగా కరోనా కేసులు మొదలవుతున్నాయి. సినీ రంగానికి చెందిన కొందరు ప్రముఖులు కూడా కరోనా భారిన పడుతున్న సందర్భాలను మనం చూస్తూనే వస్తున్నాం. తాజాగా నటసింహం నందమూరి బాలకృష్ణకు కరోనా సోకింది. తాజాగా చేసిన కోవిడ్ పరీక్షల్లో బాలకృష్ణకు కోవిడ్ పాజిటివ్‌ గా నిర్ధారణ అయినట్టు తెలుస్తుంది.దీంతో ఆయన హోం ఐసోలేషన్‌కు వెళ్లిపోయారు. ”నాకు ఎటువంటి కోవిడ్ లక్షణాలు లేవు. పూర్తి ఆరోగ్యంతో ఉన్నాను.

గత రెండు రోజులుగా నన్ను కలిసిన వారు కూడా కోవిడ్ టెస్ట్ చేయించుకుంటే మంచిది. అందరూ కోవిడ్ నియంత్రణ చర్యలు పాటించాలి” అంటూ చెప్పుకొచ్చారు బాలకృష్ణ. మొన్నటికి మొన్న.. ఇంటర్నేషనల్ యోగా డే సందర్భంగా బసవతారకం ఇండో అమెరికన్ క్యాన్సర్ ఆస్పత్రి ప్రాంగణంలో నిర్వహించిన యోగా వేడుకల్లో బాలయ్య పాల్గొన్నారు.ఆ ప్రాంగణంలో కొంతమంది డాక్టర్లు పేషెంట్ల సమక్షంలో ఆయన యోగాసనాలు వేయడం జరిగింది. ఆ క్రమంలో ఆయనకి కోవిడ్ సోకి ఉండొచ్చు అంటూ చర్చ జరుగుతుంది.

అంతేకాదు ఆ కార్యక్రమానికి హాజరైన వారంతా కోవిడ్ పరీక్షలు చేయించుకుంటే మంచిదని బాలకృష్ణ తన సన్నిహితులకు చెప్పినట్లు తెలుస్తుంది. మరోపక్క తన అభిమాన నటుడికి ఏ హాని కలగకూడదు అని, బాలయ్య కి కరోనా త్వరగా తగ్గిపోవాలి అని అభిమానులు పూజలు వంటివి చేస్తున్నారు. ఇక సినిమాల విషయానికి వస్తే.. ప్రస్తుతం గోపీచంద్‌ మలినేని దర్శకత్వంలో ‘మైత్రీ మూవీ మేకర్స్’ నిర్మాణంలో ఆయన ఓ చిత్రం చేయబోతున్నారు.దాని తర్వాత అనిల్ రావిపూడి దర్శకత్వంలో ఓ చిత్రం చేసే అవకాశం ఉంది.