మహానటుడు నందమూరి తారక రామారావు పాటలు ఎప్పటికీ ఎవర్ గ్రీన్. ముఖ్యంగా రొమాంటిక్ గీతాలు యువతను గిలిగింతలు పెట్టాయి. అటువంటి పాటల్లో జీవిత చక్రం చిత్రంలోని ‘కంటి చూపు చెబుతోంది’ అనే పాట కుర్రకారుని విశేషంగా కట్టుకుంది. వాణిశ్రీ, ఎన్టీఆర్ కలిసి నటించి ఈ పాటని ఓ ఆణి ముత్యంగా నిలిచిపోయేలా చేశారు. ఆ పాటలోని మజాని నేటి యువతికి రుచి చూపించడానికి పూరి జగన్నాథ్ ప్రయత్నిస్తున్నారు. అతని దర్శకత్వంలో తెరకెక్కుతోన్న పైసావసూల్ సినిమాలో ‘ కంటి చూపు చెబుతోంది’ పాటను పెడుతున్నారు. దీనిని రీ మిక్స్ చేసే పనిలో సంగీత దర్శకుడు అనూప్ రూబెన్స్ ఉన్నారు.
తండ్రి పాటలో నటించడానికి బాలయ్య ఉత్సాహంగా ఉన్నట్లు చిత్ర బృందం వెల్లడించింది. ప్రస్తుతం పొర్చుగల్లో ఉన్న చిత్ర బృందం త్వరలో హైదరాబాద్ కి రానుంది. ఇక్కడే ఆ పాటను చిత్రీకరించనున్నారు. ఈ వార్త నందమూరి అభిమానుల్లో ఆనందాన్ని నింపింది. భవ్య క్రియేషన్స్ బ్యానర్ లో ఆనంద్ ప్రసాద్ నిర్మిస్తున్న ఈ మూవీ సెప్టెంబర్ 29న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
Home