Mowgli: సినిమా పోయింది.. అయినా ఈ కెలుకుడు అవసరమా సరోజ్

సుమ కొడుకు రోషన్ కనకాల హీరోగా ‘కలర్ ఫోటో’ ఫేమ్ సందీప్ రాజ్ దర్శకత్వంలో ‘మోగ్లీ'(Mowgli) అనే సినిమా వచ్చింది. గతేడాది చివర్లో ‘అఖండ 2’ పక్కన ఈ సినిమా రిలీజ్ అయ్యింది. ‘పీపుల్ మీడియా ఫ్యాక్టరీ’ సంస్థ ఈ చిత్రాన్ని నిర్మించింది. క్రేజీ కాంబినేషన్లో రూపొందిన సినిమా ఇది. కానీ బాక్సాఫీస్ వద్ద బోల్తా కొట్టింది. మినిమమ్ ఓపెనింగ్స్ కూడా రాలేదు. సినిమా గురించి కూడా ఎవ్వరూ గొప్పగా చెప్పుకోలేదు.

Mowgli

వాస్తవానికి టీజర్, ట్రైలర్స్ వంటివి కూడా ఆడియన్స్ ని ఆకట్టుకోలేదు. బజ్ క్రియేట్ చేసింది లేదు. కానీ ఇలా సైలెంట్ గా వచ్చి బ్లాక్ బస్టర్స్ కొట్టిన సినిమాలు గతంలో చాలానే ఉన్నాయి. వాటిలానే ‘మోగ్లీ’ వండర్స్ క్రియేట్ చేస్తుందేమో అని అంతా అనుకున్నారు. కానీ కట్ చేస్తే అలాంటిదేమీ జరగలేదు. అందుకు కారణాలు కూడా లేకపోలేదు. ఫస్ట్ ‘అఖండ 2’ వంటి పెద్ద సినిమా పక్కన రిలీజ్ అవ్వడంతో ‘మోగ్లీ’ని ఆడియన్స్ పట్టించుకోలేదు.

మరొకటి ఈ సినిమా ప్రీమియర్ షోల నుండే నెగిటివ్ టాక్ మూటగట్టుకుంది. విలన్ గా చేసిన బండి సరోజ్ నటన గురించి తప్ప మిగతా ఏ విషంలోనూ ‘మోగ్లీ’ గురించి జనాలు మాట్లాడుకోలేదు. అయితే ఈ సినిమా ఫ్లాప్ అయ్యింది. అందరూ మర్చిపోయారు. ఒటీటీలో కూడా గొప్ప టాక్ ఏమీ రాలేదు. కానీ విలన్ గా చేసిన బండి సరోజ్ మాత్రం మళ్ళీ దర్శకుడు సందీప్ రాజ్ ని కెలికే ప్రయత్నం చేశాడు.

షూటింగ్ టైమ్లోనే వీళ్ళిద్దరి మధ్య క్రియేటివ్ డిఫరెన్సెస్ వచ్చాయనే టాక్ నడిచింది. టీజర్ రిలీజ్ అయినప్పుడు కూడా బండి సరోజ్ తన పాత్ర పై వచ్చిన పాజిటివ్ కామెంట్స్ ని డిలీట్ చేశారు అంటూ సోషల్ మీడియాలో రచ్చ చేశాడు. తర్వాత అతను ప్రమోషన్స్ కి రావడానికి కూడా ఆసక్తి చూపకపోతే సుమ ఫోన్ చేసి రిక్వెస్ట్ చేసి రప్పించినట్టు అతను పలు ఇంటర్వ్యూల్లో చెప్పుకొచ్చాడు.

సినిమా రిలీజ్ అయిన 2 నెలలకి మళ్ళీ ఇప్పుడు అతను సోషల్ మీడియాలో అతనొక టీజర్ కట్ చేశానని, దానిని దర్శకుడు సందీప్ అప్రూవ్ చేయలేదంటూ ఓ పోస్ట్ పెట్టాడు. ‘మోగ్లీ’ అనే సినిమాని అందరూ మర్చిపోయి, మేకర్స్ కూడా మర్చిపోయే ప్రయత్నం చేస్తుంటే.. బండి సరోజ్ ఇప్పుడు మళ్ళీ దర్శకుడు సందీప్ ని కెలకడం అవసరమా అంటూ కొందరు నెటిజెన్లు అభిప్రాయపడుతున్నారు.

జస్ట్ ఓకే అనిపించిన ‘హే బల్ వంత్’ ఫస్ట్ డే ఓపెనింగ్స్