మళ్ళీ వార్తల్లో నిలిచిన నిర్మాత బండ్ల గణేష్…!

October 12, 2020 / 04:48 PM ISTByFilmy Focus

Join Us

మళ్ళీ వార్తల్లో నిలిచిన నిర్మాత బండ్ల గణేష్…!

కమెడియన్ గా కెరీర్ ను ప్రారంభించి …తరువాత క్యారెక్టర్ ఆర్టిస్ట్ గా కూడా పలు సినిమాల్లో నటించి … ఎవ్వరూ ఊహించని విధంగా నిర్మాతగా మారాడు బండ్ల గణేష్. అలా అని చిన్న హీరోలతో సినిమాలు నిర్మించి ముందుకు వెళ్తాడేమోలే అనుకున్న వాళ్లకు పెద్ద షాకిచ్చాడు. అతను నిర్మించిన సినిమాలన్నీ స్టార్ హీరోలవే. ఎన్నో ఏళ్లగా సినిమాలు నిర్మిస్తున్న బడా నిర్మాతలు, స్టార్ హీరోలతో సినిమాలు నిర్మించడానికి అడ్వాన్స్ లు ఇచ్చి … మరీ వెయిట్ చేస్తుంటారు.

అలాంటిది బండ్ల గణేష్ కు … ఎన్టీఆర్, పవన్ కళ్యాణ్ ,చరణ్, అల్లు అర్జున్ వంటి హీరోలు అవకాశాలు ఇవ్వడంతో అందరూ షాక్ అయ్యారు. అయితే తరువాత నిర్మాణ రంగానికి దూరంగా ఉంటూ వచ్చి… సడెన్ గా రాజకీయాల్లోకి ఎంట్రీ ఇచ్చాడు. 2018లో తెలంగాణ ముందస్తు ఎన్నికల్లో కాంగ్రెస్ పార్టీకి ప్రచారం చేస్తూ ఇతను చేసిన వ్యాఖ్యలు ఎవ్వరూ మరచిపోలేరు. సరే ఈ విషయాన్ని పక్కన పెట్టేస్తే.. ఈ మధ్యనే కరోనా భారిన పడిన ఇతను ఇక నుండీ ఎటువంటి నెగిటివ్ కామెంట్స్ చెయ్యను అని చెప్పుకొచ్చాడు.

అతను చెప్పినట్టుగానే.. ‘నమ్రత గొప్ప మహిళ అని’ , ‘పవన్ కళ్యాణ్ తనకు సినిమా ఛాన్స్ ఇచ్చాడని’ వంటి పాజిటివ్ కామెంట్స్ చేస్తూ వచ్చాడు. అయితే తాజాగా…”వీపు మీద కొట్టండి…కానీ దయచేసి కడుపు మీద కొట్టకండి .ఇది నా రిక్వెస్ట్.నా పై ఎటువంటి దుష్ప్రచారం చెయ్యకండి. నేను చెప్పే వరకూ ఇది నా అభ్యర్థన’ అంటూ ట్వీట్‌ చేశాడు. అయితే ఈ ట్వీట్ వెనుక ఉన్న అర్ధం ఏమిటో ఎవ్వరికీ అర్ధం కావడం లేదు.అతన్ని ఎవరైనా హర్ట్ చేసారా అనే డిస్కషన్లు కూడా మొదలయ్యాయి.

వీపుమీద కొట్టండి .కానీ నీ దయ చేసి కడుపు మీద కొట్టకండి ……ఇది నా విన్నపం .నా మీద దయచేసి ఏ విధమైన వార్తలు రాయొద్దు నేను చెప్పే వరకు ఇది నా అభ్యర్థన 🙏🙏🙏🙏

— BANDLA GANESH. (@ganeshbandla) October 11, 2020