Jr NTR, Bandla Ganesh: తారక్ తో గొడవ.. స్పందించిన బండ్ల గణేష్!

కమెడియన్ గా తెలుగు ప్రేక్షకులకు దగ్గరైన బండ్ల గణేష్ చాలా ఏళ్ల పాటు ప్రేక్షకులను అలరించారు. ఆ తరువాత నిర్మాతగా మారారు. బ్లాక్ బస్టర్ సినిమాలు తీసి నిర్మాతగా మంచి పేరు సంపాదించుకున్నారు. ఈ క్రమంలో ఆయన జూనియర్ ఎన్టీఆర్ తో కలిసి ‘బాద్ షా’, ‘టెంపర్’ వంటి సినిమాలను నిర్మించారు. అయితే ‘టెంపర్’ సినిమా తరువాత రెమ్యునరేషన్ విషయంలో ఎన్టీఆర్ కి, బండ్ల గణేష్ కి మధ్య గొడవ జరిగినట్లు అప్పట్లో వార్తలు వచ్చాయి.

దీంతో ఇద్దరి మధ్యా దూరం పెరిగిందని సోషల్ మీడియాలో పుకార్లు వినిపించాయి. తాజాగా ఈ విషయంపై బండ్ల గణేష్ క్లారిటీ ఇచ్చారు. ఓ ఇంటర్వ్యూలో పాల్గొన్న బండ్లకు ఎన్టీఆర్ కి సంబంధించిన ప్రశ్నలు ఎదురుకాగా.. అన్నదమ్ముల మధ్య చిన్న చిన్న మనస్పర్థలు వస్తూనే ఉంటాయని.. ఇది కూడా అలాంటిదే అని తెలిపారు. మిస్ కమ్యూనికేషన్ వలన అలా జరిగిందని.. దాన్ని గొడవ అనలేమని చెప్పుకొచ్చారు. ఎన్టీఆర్ తో తనకు ఎలాంటి విభేదాలు లేవని బండ్ల గణేష్ చెప్పారు.

‘టెంపర్’ సినిమా తరువాత తాత్కాలికంగా బ్రేక్ ఇచ్చిన బండ్ల గణేష్ మళ్లీ నిర్మాతగా బిజీ అవ్వాలనుకుంటున్నారు. ఈ క్రమంలో పవన్ కళ్యాణ్ తో ఓ సినిమా ప్లాన్ చేస్తున్నారు. మరోపక్క నటుడిగా కూడా సినిమాలు ఓకే చేస్తున్నారు. ‘సరిలేరు నీకెవ్వరు’ సినిమాలో కమెడియన్ గా కనిపించిన బండ్ల గణేష్ ఇప్పుడు హీరోగా ఓ సినిమా చేస్తున్నారు. దీనికి సంబంధించిన అధికార ప్రకటన కూడా వచ్చేసింది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!