Bandla Ganesh, Pawan Kalyan: దేవర వేట మొదలైందట!

July 27, 2021 / 10:30 AM ISTByFilmy Focus

Join Us

Bandla Ganesh, Pawan Kalyan: దేవర వేట మొదలైందట!

పవర్ స్టార్ పవన్ కళ్యాణ్ కు ఎంతమంది అభిమానులు ఉన్నా బండ్ల గణేష్ స్పెషల్ అనే సంగతి తెలిసిందే. పవన్ పై ప్రతి సందర్భంలో బండ్ల గణేష్ తన అభిమానాన్ని చాటుకుంటూ వస్తున్నారు. పవన్ తో తీన్ మార్, గబ్బర్ సింగ్ సినిమాలను నిర్మించిన బండ్ల గణేష్ మరో సినిమాను నిర్మించాల్సి ఉండగా ఆ సినిమాను ఎప్పుడు నిర్మిస్తారో తెలియాల్సి ఉంది. పవన్ అయ్యప్పనుమ్ కోషియమ్ రీమేక్ సినిమాలో భీమ్లా నాయక్ అనే పాత్రలో నటిస్తుండగా చిత్రయూనిట్ ఒక స్టిల్ ను రిలీజ్ చేసిన సంగతి తెలిసిందే.

పోలీస్ గెటప్ లో పవన్ ఉన్న లుక్ నెట్టింట తెగ వైరల్ అవుతుండగా బండ్ల గణేష్ దేవర వేట మొదలైందని పవన్ గురించి ఆసక్తికర వ్యాఖ్యలు చేశారు. పవన్ కళ్యాణ్ నిల్చున్న విధానానికి బండ్ల గణేష్ చేతులెత్తి మొక్కారు. దాదాపు మూడున్నర నెలల తర్వాత పవన్ ఈరోజు నుంచి షూటింగ్ లో పాల్గొంటున్నారు. పవన్ పాత్ర పేరు లీక్ కావడంతో టైటిల్ కు సంబంధించిన ప్రకటన కూడా త్వరలో వెలువడే అవకాశం ఉంది.

అదిరిపోయే అప్డేట్ ఇవ్వడంతో పవన్ ఫ్యాన్స్ ఆనందానికి అవధులు లేకుండా పోయాయి. ఊహించని విధంగా అప్డేట్ రావడం ఫ్యాన్స్ సంతోషానికి కారణమవుతోంది. బండ్ల గణేష్ చేసిన ట్వీట్ కు భారీ సంఖ్యలో లైక్స్ వస్తుండగా రికార్డు స్థాయిలో కామెంట్లు వస్తున్నాయి. ఈ సినిమాలో పవన్ కు జోడీగా నిత్యామీనన్ నటిస్తుండగా రానాకు జోడీగా ఐశ్వర్య రాజేష్ నటిస్తున్నారు. వచ్చే ఏడాది జనవరిలో ఈ సినిమా రిలీజ్ కానుంది.