ప్రస్తుత కాలంలో ఏ సినిమా అయినా 100 రోజుల పాటు ప్రదర్శించబడటం సులువైన విషయం కాదు. భగవంత్ కేసరి చాలా రోజుల క్రితమే ఓటీటీలో అందుబాటులోకి వచ్చింది. ప్రముఖ ఓటీటీలలో ఒకటైన అమెజాన్ ప్రైమ్ లో ఈ సినిమా స్ట్రీమింగ్ అవుతోంది. తాజాగా ఈ సినిమా 100 రోజులు పూర్తి చేసుకుంది. ఈ సినిమా 100 రోజులు పూర్తి చేసుకోవడం ఒక విశేషమైతే ఒక థియేటర్ లో 100 రోజులు ఆడటం గమనార్హం.
చిలకలూరిపేటలో రామకృష్ణ థియేటర్ లో రోజుకు 4 షోల చొప్పున ఈ సినిమా 100 రోజుల పాటు ప్రదర్శితం కావడం గురించి అనిల్ రావిపూడి స్పందిస్తూ ప్రేక్షకులకు కృతజ్ఞతలు తెలిపారు. భగవంత్ కేసరి షూట్ సమయంలో ఎంతో సపోర్ట్ చేసిన బాలయ్యకు ధన్యవాదాలు తెలియజేశారు. మీకు, మాకు, మనందరికీ ఈ సినిమా చాలా సంవత్సరాలు యాదుంటది అని అనిల్ రావిపూడి కామెంట్లు చేశారు.
భగవంత్ కేసరి మరికొన్ని గంటల్లో బుల్లితెరపై ప్రసారం కానుండగా జీ తెలుగు ఛానల్ లో ఈ సినిమా ప్రసారమవుతోంది. థియేటర్లలో అద్భుతమైన రెస్పాన్స్ ను సొంతం చేసుకున్న ఈ సినిమా బుల్లితెరపై ఎలాంటి రెస్పాన్స్ ను సొంతం చేసుకుంటుందో చూడాల్సి ఉంది. అనిల్ రావిపూడి త్వరలో కొత్త ప్రాజెక్ట్ ను ప్రకటించనున్నారు. ఇండస్ట్రీలో వేగంగా సినిమాలను తెరకెక్కించే దర్శకులలో అనిల్ ఒకరు.
బాలయ్య ప్రస్తుతం బాబీ సినిమాతో బిజీగా ఉన్నారనే సంగతి తెలిసిందే. బాలయ్య బాబీ కాంబో మూవీ ఈ ఏడాదే థియేటర్లలో విడుదల కానుంది. బాలయ్య సినిమాలన్నీ 100 కోట్ల రూపాయల కంటే ఎక్కువ మొత్తం బడ్జెట్ తో తెరకెక్కుతూ రికార్డ్ స్థాయిలో బిజినెస్ జరుపుకుంటున్నాయి. వరుస విజయాలతో బాలయ్య సత్తా చాటాలని ఫ్యాన్స్ ఫీలవుతున్నారు. ఓటీటీల కాలంలో కూడా భగవంత్ కేసరి (Bhagavanth Kesari) రికార్డులు క్రియేట్ చేస్తుండటం గమనార్హం.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
