‘మైనే ప్యార్ కియా’ చిత్రంతో హీరోయిన్ గా ఎంట్రీ ఇచ్చింది బాలీవుడ్ బ్యూటీ భాగ్య శ్రీ. ఆ చిత్రంలో హీరో సల్మాన్ ఖాన్ తో ధీటుగా నటించి ప్రశంసలు అందుకుంది ఈ బ్యూటీ. వరుసగా హిందీ సినిమాలతో పాటు కన్నడ సినిమాల్లో కూడా నటించింది. ఈమె తెలుగు ప్రేక్షకులకు కూడా సుపరిచితమే. నందమూరి బాలకృష్ణ హీరోగా కోదండ రామిరెడ్డి డైరెక్షన్లో వచ్చిన రానా చిత్రం ద్వారా ఈమె తెలుగు ప్రేక్షకులకు పరిచయమైంది.
ఆ చిత్రంలో బాలకృష్ణ చెల్లిగా నటించింది. ఆ చిత్రం కథంతా ఈమె పాత్ర చుట్టూనే తిరుగుతుంది. అయితే కొంతకాలంగా సినిమాలకు దూరంగా ఉంటూ వస్తున్న ఈ బ్యూటీ.. ఇప్పుడు మళ్ళీ సినిమాల్లో బిజీ కావాలని భావిస్తుంది. నిజానికి అడివి శేష్ హీరోగా జీవిత రాజశేఖర్ కూతురు శివాని హీరోయిన్ గా రావాల్సిన ‘2 స్టేట్స్’ చిత్రంలో ఈమె నటించడానికి ఒప్పుకుంది కానీ ఆ చిత్రం కొన్ని కారణాల వల్ల ఆగిపోయింది.
ఇక ప్రభాస్ హీరోగా రాధాకృష్ణ కుమార్ డైరెక్షన్లో రూపొందాల్సిన చిత్రంలో కూడా ఈమె నటిస్తుంది అని ఎప్పటి నుండో ప్రచారం జరిగింది. కానీ నిర్మాతలైన ‘యూవీ క్రియేషన్స్’ వారు క్లారిటీ ఇవ్వలేదు. అయితే ఇటీవల ఓ ఇంగ్లీష్ ఛానల్ కు ఇచ్చిన ఇంటర్వ్యూలో ప్రభాస్ సినిమాలో నటిస్తున్నట్టు చెప్పుకొచ్చింది. ‘ఇప్పటికే రెండు సినిమాలకి ఓకే చెప్పానని.. ప్రభాస్ సినిమాలో కూడా నటిస్తున్నాను’ అని చెప్పుకొచ్చింది. అందుతున్న సమాచారం ప్రకారం ఈమె ప్రభాస్ కు తల్లి పాత్రలో కనిపించబోతున్నట్టు తెలుస్తుంది.
Most Recommended Video
దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు
