వరుసగా ఛాన్స్లు వస్తున్నాయి కదా అని.. టపీటపీమని ఓకే చేసుకుంటూ వెళ్తే ఏమవుతుంది? లైనప్లో సినిమాలు పెరిగిపోతాయి, ఇంట్లో లక్షలు, వీలైతే కోట్లు వచ్చి పడతాయి. అయితే ఈ క్రమంలో జాగ్రత్తగా సినిమాలు ఎంచుకోకపోతే ఏమవుతుంది? ఈ ప్రశ్నకు సమాధానంగా మన దగ్గర చాలామంది హీరోయిన్లు ఉన్నారు. గత కొంతకాలంగా టాలీవుడ్లో ఇలాంటి హీరోయిన్లు ఎక్కవుతున్నారు. ఇప్పుడు ఈ చర్చ ఎందుకు అనుకుంటున్నారా? మరో హీరోయిన్ వరుస సినిమాలు ఓకే చేస్తోంది కాబట్టి.
ఒక్క సినిమా కూడా రిలీజ్ కాకముందే వరుస అవకాశాలు అందుకునే సదవకాశం కేవలం హీరోయిన్లక మాత్రమే ఉంద. అలా ఇప్పుడు లైనప్ను పెంచేసుకుంటున్న హీరోయిన్ భాగ్యశ్రీ భోర్సే (Bhagyashree Borse) . రవితేజ (Ravi Teja) సినిమా ‘మిస్టర్ బచ్చన్’లో (Mr. Bachchan) హీరోయిన్గా టాలీవుడ్కి పరిచయం కాబోతున్న ఈ డైరీ మిల్క్ బ్యూటీ.. చేతిలో మరికొన్ని సినిమాలు చేరుతున్నాయి. విజయ్ దేవరకొండ (Vijay Devarakonda) , గౌతమ్ తిన్ననూరి (Gowtam Naidu Tinnanuri) సినిమాలో ఇప్పటికే భాగ్యశ్రీను తీసుకోగా.. ఇప్పుడు మరో సినిమా ఛాన్స్ దక్కిందట.
అన్నీ అనుకున్నట్టు జరిగితే దుల్కర్ సల్మాన్ (Dulquer Salmaan) సరసన హీరోయిన్గా భాగ్యశ్రీ నటిస్తుంది అని అంటున్నారు. ప్రస్తుతం ‘లక్కీ భాస్కర్’ అనే సినిమా చేస్తున్న దుల్కర్ సల్మాన్ అదయ్యాక.. సుధాకర్ చెరుకూరి (Sudhakar Cherukuri) నిర్మాణంలో ఓ సినిమా చేయబోతున్నాడట. కొత్త దర్శకుడి తెరకెక్కించబోతున్న ఈ సినిమాలో భాగ్యశ్రీని హీరోయిన్గా ఎంపిక చేసే పనిలో ఉన్నారు అని చెబుతున్నారు. ఇదంతా ఆమె సినిమాలు రిలీజ్ కాకముందే జరుగుతున్న విషయాలు.
వన్స్ ‘మిస్టర్ బచ్చన్’ సినిమా వచ్చాక పరిస్థితి ఎలా ఉంటుందో చూడాలి. సగటు కమర్షియల్ సినిమాకు సరిపడా ఫిగర్, అందం, ఫిజిక్తో భాగ్యశ్రీ ఇప్పటికే టాలీవుడ్ దర్శకనిర్మాతల దృష్టిలో పడిందట. మరి ఏ సినిమాలు వస్తాయో, ఏం ఓకే చేస్తుందో చూడాలి. అయితే ఇక్కడ గుర్తుంచుకోవాల్సిన మరో విషయం కృతి శెట్టి (Krithi Shetty) , శ్రీలీల (Sreeleela) ఇలానే ఛాన్స్లు వస్తున్నాయని యంగ్ ఏజ్లోనే చాలా పాత్రలు ఓకే చేసేశారు. ఇప్పుడు సరైన అవకాశాలు లేక ఇబ్బంది పడుతున్నారు. కాబట్టి భాగ్యశ్రీ ఈ విషయంలో జాగ్రత్తగా పడాల్సిందే.
