రవితేజ (Ravi Teja) , దర్శకుడు హరీష్ శంకర్ (Harish Shankar) కాంబినేషన్లో రూపొందిన ‘మిస్టర్ బచ్చన్’ (Mr Bachchan) మూవీ ఆగస్టులో రిలీజ్ అయ్యి పెద్ద డిజాస్టర్ అయిన సంగతి తెలిసిందే. రిలీజ్ కి ముందు ఈ సినిమాపై మంచి హైప్ ఉంది. మిక్కీ జె మేయర్ (Mickey J Meyer) సంగీతంలో రూపొందిన పాటలు చార్ట్ బస్టర్స్ అయ్యాయి. మెయిన్ గా హీరోయిన్ భాగ్యశ్రీ బోర్సే (Bhagyashree Borse) లుక్స్ అందరినీ అట్రాక్ట్ చేశాయి. కానీ కథ, కథనాలు ఆశించిన స్థాయిలో లేకపోవడంతో సినిమా డిజాస్టర్ గా మిగిలిపోయింది.
అయితే ఈ సినిమా వల్ల భాగ్య శ్రీకి చాలా మేలు జరిగింది. వెంటనే ఈమెకి విజయ్ దేవరకొండ (Vijay Deverakonda), గౌతమ్ తిన్ననూరి (Gowtam Tinnanuri) ..ల సినిమాలో ఛాన్స్ లభించింది. అది ఇంకా రిలీజ్ కాకుండానే ఇప్పుడు మరో క్రేజీ ఆఫర్ దక్కించుకుంది భాగ్య శ్రీ బోర్సే. వివరాల్లోకి వెళితే.. రామ్ పోతినేని (Ram Pothineni) హీరోగా ‘మిస్ శెట్టి మిస్టర్ పోలిశెట్టి’ (Miss Shetty Mr. Polishetty) ఫేమ్ పి.మహేష్ బాబు (Mahesh Babu P) దర్శకత్వంలో ఓ సినిమా తెరకెక్కుతోంది. ఈ సినిమాలో హీరోయిన్ గా భాగ్య శ్రీ బోర్సే ఎంపికైంది.
కొద్దిసేపటి క్రితం మేకర్స్ ఈ విషయాన్ని అధికారికంగా ప్రకటించారు. ఇదిలా ఉండగా.. వరుస సినిమాలు ఒప్పుకుంటున్న భాగ్య శ్రీ బోర్సే ‘ (Bhagyashri Borse) ఎంత పారితోషికం అందుకుంటుంది?’ అనే అంశంపై ఇప్పుడు చర్చ మొదలైంది. అందుతున్న సమాచారం ప్రకారం.. ‘మిస్టర్ బచ్చన్’ సినిమాకి గాను ఈమె రూ.40 లక్షలు పారితోషికంగా అందుకున్నట్టు తెలుస్తుంది.
అయితే ‘మిస్టర్ బచ్చన్’ కి క్రేజ్ పెరిగింది ఈమె వల్లనే..! గ్లామర్ షో విషయంలో అస్సలు అడ్డు చెప్పకుండా ఓ రేంజ్లో రెచ్చిపోయింది ఈ అమ్మడు. దీంతో విజయ్ దేవరకొండ సినిమాకి గాను ఈమెకు రూ.70 లక్షలు ఆఫర్ చేశారట. ఇక ఇప్పుడు అంటే రామ్ పోతినేని సినిమా కోసం భాగ్య శ్రీ బోర్సేకి (Bhagyashri Borse) కోటి రూపాయల వరకు ఆఫర్ చేసినట్లు సమాచారం.
Home
