Nayanthara: ఆ హీరోతో నయన్ పెళ్లి అందుకే క్యాన్సిల్ అయ్యిందా?

నయనతార (Nayanthara)  జీవితం చాలా వరకు తెరిచిన పుస్తకమే. ఈమె వ్యక్తిగత జీవితం కూడా చాలా మందికి తెలిసిందే. మొదట్లో ఈమె హీరో శింబుతో (Silambarasan) ప్రేమాయణం నడిపింది. ఆ తర్వాత మనస్పర్థలు రావడంతో విడిపోయారు. తర్వాత ప్రభుదేవాతో (Prabhu Deva) ప్రేమాయణం నడిపింది. ప్రభుదేవాకి అప్పటికే పెళ్లై, పిల్లలు కూడా ఉన్నారు. అయినా సరే నయన్ కోసం తన భార్య,పిల్లలను దూరం చేసుకున్నాడు ప్రభుదేవా. 2011 టైంలో ప్రభుదేవా, నయన్..లు పెళ్లి చేసుకోబోతున్నట్లు ప్రకటించారు.

Nayanthara

కానీ పెళ్ళికి కొద్దిరోజుల ముందు ఎవ్వరూ ఊహించని విధంగా సెపరేట్ అయిపోయారు. దానికి కారణం ఏంటనేది ఇప్పటికీ చాలా మందికి తెలీదు. అయితే నయన్ తన పర్సనల్ లైఫ్ ని పెళ్లి వేడుకతో డాక్యుమెంటరీ చేయించుకుని నెట్ ఫ్లిక్స్ సంస్థకి ఆ రైట్స్ ని విక్రయించుకున్న సంగతి తెలిసిందే. ఇందులో భాగంగా.. ‘శ్రీరామరాజ్యం’ (Sri Rama Rajyam)  సినిమా తన ఆఖరి సినిమా అని భావించి నయన్ చేసిందట.

ఆ సినిమా షూటింగ్ చివరి రోజున ‘చాలా కోల్పోతున్నాను అనే ఫీలింగ్ తో డౌన్ అయిపోతున్నట్లు ఆమె భావించిందట. ఎందుకంటే.. తన బాయ్ ఫ్రెండ్ ఇక సినిమాలు మానేయమని చెప్పడంతో ఆమె అలా ప్రిపేర్ అయ్యిందట. అయితే ఇక్కడ నయన్ తన బాయ్ ఫ్రెండ్ పేరును ప్రస్తావించలేదు. కానీ ఆ టైంకి ఆమె రిలేషన్షిప్లో ఉన్నది ప్రభుదేవాతోనే..!

ఈ కారణంతోనే ఆమె ప్రభుదేవాకి బ్రేకప్ చెప్పేసి ఉండొచ్చు అని స్పష్టమవుతుంది. ‘శ్రీరామరాజ్యం’ సినిమాలో బాలయ్య రాముడిగా.. నయనతార సీతగా చేసింది. దివంగత దర్శకుడు బాపు తెరకెక్కించిన ఈ చిత్రంలో శ్రీకాంత్ (Srikanth) లక్ష్మణుడి పాత్ర పోషించాడు. ఈ సినిమాలో నయన్ నటనకి ప్రశంసలు దక్కాయి. దీనికి ముందు నయన్ చేసిన సినిమాలన్నీ గ్లామర్ రోల్సే.