కన్నప్ప స్క్రిప్ట్ తో విష్ణు ప్లాన్!

‘భక్త కన్నప్ప’ సినిమాను రీమేక్ చేయాలని కృష్ణంరాజు చాలా కాలం నుండి అనుకుంటున్నారు. ప్రభాస్ ని హీరోగా పెట్టి తనే స్వయంగా సినిమాను డైరెక్ట్ చేయాలని కృష్ణంరాజు అనుకున్నారు. కానీ ఆ ప్రాజెక్ట్ ముందుకు కదల్లేదు. ఆ తరువాత కన్నప్ప కథను సినిమాగా తీయాలని తనికెళ్ల భరణి ఫిక్స్ అయ్యారు. సునీల్ ని హీరోగా ఎన్నుకొని సినిమా అనౌన్స్ చేశారు. కానీ ఆ తరువాత సినిమాకి సంబంధించి ఎలాంటి అప్డేట్ రాలేదు. సునీల్ కూడా డ్రాప్ అవ్వడంతో.. తనికెళ్ల భరణి స్క్రిప్ట్ ను పక్కన పెట్టేశారు.

ఆ తరువాత మోహన్ బాబు రంగంలోకి దిగారు. విష్ణుని హీరోగా పెట్టి కన్నప్ప స్టోరీ తీయాలని ఫిక్స్ అయ్యారు. దాదాపు యాభై కోట్ల బడ్జెట్ తో సినిమాను తెరకెక్కించాలని ప్లాన్ చేశారు. కానీ ఇంత భారీ ప్రాజెక్ట్ హ్యాండిల్ చేయడం తన వల్ల కాదని.. ఆయన ఈ ప్రాజెక్ట్ నుండి తప్పుకున్నారు. దాంతో విష్ణు ఓ హాలీవుడ్ డైరెక్టర్ ని రంగంలోకి దింపారు. కానీ ప్రాజెక్ట్ కి సంబంధించి ఎలాంటి సమాచారం లేదు. ఇప్పుడు మళ్లీ కన్నప్ప కథను బయటకు తీశారు.

ఈ స్క్రిప్ట్ ను సాయి మాధవ్ బుర్రా చేతిలో పెట్టారు. ఆయన కథలో మార్పులు చేర్పులు చేస్తున్నారని సమాచారం. ఈ ఏడాది కన్నప్ప కథను సెట్స్ పైకి తీసుకెళ్లాలని విష్ణు నిర్ణయించుకున్నాడట. మార్చి లేదా ఏప్రిల్ నెలలో ఈ సినిమాకి సంబంధించిన అధికార ప్రకటన రానుంది. కనీసం ఈసారైనా కన్నప్ప ప్రాజెక్ట్ సెట్స్ పైకి వెళ్తుందో.. లేదా ఎప్పటిలానే బ్రేకులు పడతాయో చూడాలి!

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!