బ్రహ్మోత్సవం, స్పైడర్ సినిమాలు హిట్ సాదించనప్పటికీ మహేష్ బాబుకి క్రేజ్ కొంచెం కూడా తగ్గలేదు. అతను కొరటాల శివ దర్శకత్వంలో చేస్తున్న “భరత్ అనే నేను” సినిమాపై అంచనాలు భారీగా ఉన్నాయి. ఆ అంచనాలను ఫస్ట్ ఓత్, “ది విజన్ ఆఫ్ భరత్(టీజర్)” మరింత పెంచాయి. రీసెంట్ గా రిలీజ్ అయిన సాంగ్ కి మంచి స్పందన వచ్చింది. పూర్తి పాటలను ఏప్రిల్ 7న గ్రాండ్ గా రిలీజ్ చేయనున్నారు. ఈ ఆడియో రిలీజ్ ఫంక్షన్ ని మొదట వైజాక్ లో నిర్వహించాలని అనుకున్నారు.
కానీ ప్రత్యేక హోదా పోరాటం ఉదృతం అవుతున్న సందర్భంగా ఇబ్బందులు తలెత్తుతాయని భావించి వేదికని మార్చారు. హైదరాబాద్ లోని ఎల్బీ స్టేడియంలో నిర్వహించాలని చిత్ర యూనిట్ ఫిక్స్ అయింది. ఈ విషయాన్ని త్వరలో అధికారికంగా ప్రకటించనుంది. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ చిత్రం దాదాపు షూటింగ్ పూర్తి చేసుకుంది. మిగిలిఉన్న ఒక పాటను స్పెయిన్ లో చిత్రీకరించనున్నారు. నిర్మాత డి.వి.వి. దానయ్య నిర్మిస్తున్న ఈ సినిమాకి రాక్ స్టార్ దేవీ శ్రీ ప్రసాద్ సంగీతం అందిస్తున్నారు. ఇండస్ట్రీ హిట్ శ్రీమంతుడు కాంబినేషన్లో తెరకెక్కిన ఈ మూవీ ఏప్రిల్ 20న రిలీజ్ కానుంది.
