సిద్ధమవుతున్న ‘భరత్ అనే నేను’ ఫస్ట్ లుక్

కమర్షియల్ డైరక్టర్ మురుగదాస్ దర్శకత్వంలో సూపర్ స్టార్ మహేష్ బాబు చేస్తున్న స్పైడర్ మూవీ షూటింగ్ చివరి దశకు చేరుకుంది. ఏకకాలంలో తెలుగు, తమిళ భాషల్లో తెరకెక్కుతోన్న ఈ మూవీ సెప్టెంబర్ 27 న థియేటర్ లోకి రానుంది. ఈ సినిమాతో పాటు కొరటాల శివ దర్శకత్వంలో “భరత్ అనే నేను” మూవీ షూటింగ్ కొనసాగుతోంది. ఇందులో మహేష్ ముఖ్యమంత్రిగా కనిపించనున్నారు. ఈ సినిమా ఫస్ట్ లుక్ ని మహేష్ బాబు పుట్టినరోజు సందర్భంగా ఆగస్టు 9 న రిలీజ్ చేసేందుకు చిత్ర బృందం డిసైడ్ అయింది. లీడర్ గెటప్ లో ఉన్న మహేష్ లుక్ రివీల్ చేయడానికి సిద్ధమవుతున్నారు.

భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాలో బాలీవుడ్ బ్యూటీ కైరా అద్వానీ హీరోయిన్ గా ఎంపికైంది. మహేష్, కొరటాల కాంబినేషన్లో వచ్చిన శ్రీమంతుడు మూవీ ఇండస్ట్రీ హిట్ గా నిలిచింది. ఆ కాంబో లో వస్తున్న మూవీ కావడంతో దీనిపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.