మహేష్, కొరటాల మూవీ విడుదల తేదీ ఖరారు!

స్పైడర్ తో మహేష్ బాబు కోలీవుడ్ లో గ్రాండ్ గా ఎంట్రీ ఇచ్చారు. ఈ సినిమా తరవాత గ్యాప్ తీసుకోకుండా నెక్స్ట్ సినిమా షూటింగ్ లోకి మహేష్ దిగారు. కొరటాల శివ దర్శకత్వంలో మహేష్ చేస్తున్న మూవీ కొన్ని సీన్లను కొంతకాలం క్రితం పూర్తి చేశారు. ఇప్పుడు హైదరాబాద్ లో వేసిన ప్రత్యేకమైన సిఎం క్యాంప్ ఆఫీస్ సెట్లో కీలక సన్నివేశాలని చిత్రీకరిస్తున్నారు. “శ్రీమంతుడు” కాంబినేషన్లో వస్తున్న మూవీ కావడంతో దీనిపై భారీ క్రేజ్ నెలకొని ఉంది. ఈ సినిమా సంక్రాంతికి వస్తుందని మహేష్ ఫ్యాన్స్ సంబరపడ్డారు. కానీ వాయిదా పడుతోందని చెప్పడంతో నిరుత్సాహపడ్డారు.

ఇప్పుడు రిలీజ్ డేట్ ని ఫిక్స్ చేశారు. వచ్చే ఏడాది ఏప్రిల్ 20న రిలీజ్ చేయనున్నట్లు తెలిసింది. ఈ విషయాన్నీ త్వరలో అధికారికంగా వెల్లడించనున్నారు. మహేష్ ముఖ్యమంత్రిగా కనిపించనున్న ఇందులో  బాలీవుడ్ బ్యూటీ  కైరా అద్వానీ హీరోయిన్ గా నటిస్తోంది. భారీ బడ్జెట్ తో డీవీవీ దానయ్య నిర్మిస్తున్న  ఈ చిత్రానికి రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు.