ఆస్ట్రేలియాలో అత్యధిక లొకేషన్లో సందడి చేయనున్న భరత్ అనే నేను.!

తెలుగు హీరోల్లో సూపర్ స్టార్ మహేష్ బాబు కి ఓవర్సీస్ ఎక్కువమంది అభిమానులున్నారు. మహేష్ చిత్రాలు అక్కడ భారీ కలక్షన్స్ సాధించాయి. ఇక్కడ బాగా ఆడలేకపోయిన సినిమాలు సైతం ఓవర్సీస్ లో ఎక్కువరోజులు ప్రదర్శనకు నోచుకున్నాయి. ఆ క్రేజ్ ని దృష్టిలో పెట్టుకొని భరత్ అనే నేను సినిమాని భారీ స్థాయిలో రిలీజ్ చేయనున్నారు. ఈ చిత్ర విడుదల ముందురోజు 19వ తేదీ రాత్రి  అమెరికా వ్యాప్తంగా సుమారు 2000  స్క్రీన్లపై ప్రీమియర్ షోలను ఏర్పాటు చేశారు.

అంతేకాదు ఆస్ట్రేలియాలోను ఎక్కువ లొకేషనల్లో భరత్ అనే నేను సందడి చేయనుంది. ఆస్ట్రేలియాలో ఇప్పటి వరకు ఏ తెలుగు సినిమా విడుదలకాని రీతిలో సుమారు 45 లొకేషనల్లో రిలీజ్ చేయనున్నారు. తెలుగు రాష్ట్రాల్లోనూ భారీగానే విడుదలకానుంది. దీంతో ఓపెనింగ్స్ లో ఈ మూవీ రికార్డు సృష్టించడం ఖాయమని సినీ విశ్లేషకులు చెబుతున్నారు. బాలీవుడ్ బ్యూటీ కైరా అద్వానీ హీరోయిన్ గా నటించిన ఈ సినిమాని ప్రముఖ నిర్మాత డి.వి.వి. దానయ్య ఎక్కడా కాంప్రమైజ్ కాకుండా నిర్మించారు. శ్రీమంతుడు కాంబినేషన్లో తెరకెక్కిన ఈ సినిమా ఏప్రిల్ 20  న రిలీజ్ కానుంది.