Bharathiraja: నేమ్‌ ఛేంజ్‌ కింగ్‌ మరోసారి తన స్టైల్‌ పేరు పెట్టారు..ఈసారి ఎవరంటే?

సినిమాల్లో హీరోయిన్‌గా ఓ వెలుగు వెలుగుదాం అనుకుంటూ చాలామంది అమ్మాయిలు ప్రయత్నాలు చేస్తూ ఉంటారు. ఈ క్రమంలో కొంతమంది పేర్లు మార్చుకుంటూ ఉంటారు. సెంటిమెంట్‌ ప్రకారమో, లేక అప్పటికే మరొకరు అదే పేరుతో ఇండస్ట్రీలో ఉండటం వల్లనో పేరు మార్చుకుంటూ ఉంటారు. అయితే ఇలా పేరు మార్చుకునే క్రమంలో కొన్ని సెంటిమెంట్లు ఉంటాయి. ఈ పేరు పెట్టేవాళ్లలో కొంతమంది స్పెషలిస్ట్‌లు కూడా ఉన్నారు. అవును, సినిమా ఇండస్ట్రీలో కొంతమంది దర్శకులు ఇలా కొత్త పేరు పెట్టడంలో సిద్ధహస్తులు.

అలాంటి వారిలో సీనియర్‌ దర్శకుడు భారతీరాజా ఒకరు. తన ప్రతిభతో అద్భుతమైన సినిమాలను అందించిన ఆయన.. ఎంతోమంది స్టార్‌ హీరోయిన్లకు పేరు పెట్టారు కూడా. ఇప్పుడు ఆయన మరో అమ్మాయికి పేరు పెట్టారు. అంతేకాదు ఆ పేరు కూడా తనకు బాగా అచ్చొచ్చిన, ఆయన ఎక్కువగా పేరు పెట్టిన అక్షరంతోనే పెట్టారు. ఇప్పటివరకు సినిమాల్లోకి వచ్చిన ఎంతో మంది హీరోయిన్స్‌కు ఆయన పేరు మార్చారు.

కొత్త నటీమణులకు ఆయన ‘ఆర్‌’ అనే అక్షరంతో పేరు మొదలయ్యేలా చూస్తుంటారు. అలా ఆయన రాధిక, రాధ, రేవతి, రేఖ అంటూ పేర్లు పెట్టారు. వాళ్లంతా స్టార్‌ హీరోయిన్లుగా వెలుగొందారు. ఇప్పుడు ఇదే క్రమంలో తమిళ ఇండస్ట్రీకి కొత్తగా పరిచయమవుతున్న ఒక నటికి పేరు పెట్టారు. ‘రక్షణ’ ఆ నాయికకు నామకరణం చేశారు.‘మరగజీ దింగల్‌’ అనే సినిమాతో భారతీరాజా కుమారుడు మనోజ్‌ దర్శకుడిగా పరిచయం అవుతున్నారు.

ఆ సినిమాలో హీరోయిన్‌ కోసం చాలా మందిని ఆడిషన్స్‌ చేశారు. అలా ఎంపిక చేసిన ఓ అమ్మాయిని హీరోయిన్‌గా ఎంచుకున్నారు. ఆమెకు తనకు లక్కీ లెటర్‌ అయిన ఆర్‌ అనే అక్షరంతో ప్రారంభించేలా ‘రక్షణ’ అని పేరు పెట్టారు. వీళ్లే కాదు సౌత్‌లో, నార్త్‌లో కూడా చాలామంది హీరోయిన్లు ఇలా పేర్లు మార్చుకున్నారు. జయసుధ, జయప్రద, సౌందర్య, రంభ, రోజా, అనుష్క పేర్లు సినిమాల్లోకి వచ్చాక పెట్టుకున్నవే.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు