Bheemla Nayak Collections: శివరాత్రి సెలవుని బాగా వాడుకున్న ‘భీమ్లా నాయక్’..!

పవర్ స్టార్ పవన్ కళ్యాణ్, దగ్గుబాటి రానా కాంబినేషన్లో సాగర్ చంద్ర దర్శకత్వంలో తెరకెక్కిన చిత్రం ‘భీమ్లా నాయక్’. మలయాళం సూపర్ హిట్ మూవీ ‘అయ్యప్పనుమ్ కోషియమ్’ కు రీమేక్ గా రూపొందిన ఈ చిత్రాన్ని ‘సితార ఎంటెర్టైన్మెంట్స్’ బ్యానర్ పై సూర్యదేవర నాగ వంశీ నిర్మించగా…. మాటల మాంత్రికుడు త్రివిక్రమ్ ఈ చిత్రానికి సంభాషణలు,స్క్రీన్ ప్లే ను అందించడంతో పాటు కథలో మార్పులు చేయడం కూడా జరిగింది. ఫిబ్రవరి 25న విడుదలైన ఈ చిత్రం మొదటి షోతోనే సూపర్ హిట్ టాక్ ను సొంతం చేసుకుంది.

ఆంధ్రలో ఈ చిత్రానికి ప్రభుత్వం నుండీ ఎన్నో అవంతరాలు ఎదురైనప్పటికీ రికార్డు ఓపెనింగ్స్ ను సొంతం చేసుకుంది.సోమవారం నాడు కొంత డ్రాప్స్ కనబడినప్పటికీ మంగళవారం రోజున శివరాత్రి సెలవుని ఈ చిత్రం బాగా వాడుకుని భారీ షేర్ ను సొంతం చేసుకుంది.ఈ చిత్రం 5 రోజుల కలెక్షన్లను గమనిస్తే :

‘భీమ్లా నాయక్’ చిత్రానికి రూ.109.5 కోట్లు థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ కావాలి అంటే రూ.110 కోట్ల వరకు షేర్ ను రాబట్టాలి. 5 రోజులు పూర్తయ్యేసరికి ఈ చిత్రం రూ.79.61 కోట్ల షేర్ ను రాబట్టింది.బ్రేక్ ఈవెన్ కు మరో రూ.30.39 కోట్ల షేర్ ను రాబట్టాలి. 5 వ రోజున మంగళవారం నాడు కూడా ఈ చిత్రం రూ.8 కోట్ల వరకు షేర్ ను రాబట్టి ట్రేడ్ కు సైతం షాకిచ్చింది.

ఇంకా మరో వీకెండ్ బ్యాలన్స్ ఉంది కాబట్టి.. ‘భీమ్లా’ కి ప్లస్ అయ్యే అవకాశాలు పుష్కలంగా ఉన్నాయి. మరి ఆ ఛాన్స్ ను ఎంత వరకు క్యాష్ చేసుకుంటుందో చూడాలి..!

బిగ్ బాస్ నాన్ స్టాప్ 17మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!