పవర్ స్టార్ పవన్ కళ్యాణ్, రానా హీరోలుగా తెరకెక్కుతోన్న సినిమా ‘భీమ్లా నాయక్’. మలయాళంలో హిట్ అయిన ‘అయ్యప్పనుమ్ కోశియుమ్’ సినిమాకి ఇది రీమేక్. సాగర్ చంద్ర డైరెక్ట్ చేస్తున్న ఈ సినిమాకి త్రివిక్రమ్ మాటలు-స్క్రీన్ ప్లే అందిస్తున్నారు. ఇప్పటికే విడుదలైన ఈ సినిమా టీజర్లు ప్రేక్షకులను ఆకట్టుకున్నాయి. ఈ సినిమాలో పవన్ కి భార్యగా నిత్యామీనన్ నటిస్తుండగా.. రానా భార్య పాత్రలో సంయుక్త మీనన్ కనిపించనుంది. సినిమాలో కథ ప్రకారం.. పవన్ కళ్యాణ్, రానా మధ్య కొన్ని యాక్షన్ సన్నివేశాలు ఉంటాయి.
సినిమాలో ఈ సీన్స్ హైలైట్ గా నిలవనున్నాయి. ఓ సన్నివేశంలో పవన్ కళ్యాణ్ ఇంటిని రానా కూల్చేస్తాడు. ఇప్పటికే ఈ సన్నివేశాలకు సంబంధించిన షూటింగ్ జరిగిపోయింది. కానీ అవుట్ ఫుట్ ఆశించిన స్థాయిలో రాకపోవడంతో మళ్లీ చిత్రీకరించాలని నిర్ణయించుకున్నారు. ఈ క్రమంలో కూల్చేసిన ఇంటి సెట్ ను మళ్లీ కొత్తగా నిర్మించారట. ఇప్పుడు మరోసారి ఆ సన్నివేశాలను రీషూట్ చేస్తున్నారు. ఈ సన్నివేశాలన్నీ కూడా త్రివిక్రమ్ దగ్గరుండి చూసుకుంటున్నట్లు తెలుస్తోంది.
భారీ బడ్జెట్ తో తెరకెక్కుతోన్న ఈ సినిమాను సంక్రాంతి కానుకగా విడుదల చేయాలని ప్లాన్ చేస్తున్నారు. మరి చెప్పిన డేట్ కి సినిమాను విడుదల చేస్తారో లేదో చూడాలి!
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
