ఒక్క పోస్టర్ భీష్మ పై అభిప్రాయం మార్చివేసింది

యంగ్ హీరో నితిన్ సినిమా వెండి తెరపై కనిపించి ఏడాదిన్నర అవుతుంది. ఆయన చివరి చిత్రం శ్రీనివాస కళ్యాణం 2018 ఆగస్టులో విడుదలైంది. దర్శకుడు సతీష్ వేగేశ్న దర్శకత్వంలో రూపొందిన ఆ చిత్రం అనుకున్నంత విజయం సాధించలేదు. దానితో నితిన్ సినిమాలకు కొంత విరామం ఇచ్చారు. ఐతే భారీ గ్యాప్ ఇచ్చినప్పటికీ వరుసనే నాలుగు చిత్రాలు ప్రకటించి అభిమానులకు షాక్ ఇచ్చారు. వెంకీ కుడుముల దర్శకత్వంలో భీష్మ చేస్తుండగా, చంద్ర శేఖర్ ఏలేటి దర్శకుడిగా ఓ సినిమా, వెంకీ అట్లూరి తో మరో చిత్రం అలాగే కృష్ణ చైతన్య అనే దర్శకుడితో మరో చిత్రాన్ని ఆయన ఒప్పుకోవడం జరిగింది. ఇవన్నీ చిత్రీకరణ దశలో ఉన్నాయి.

వీటిలో భీష్మ చిత్రం చిత్రీకరణ చివరి దశకు చేరింది. వచ్చే నెలలో భీష్మ మూవీ విడుదల కానుంది. నితిన్ కి జంటగా రష్మిక మందాన నటిస్తున్న ఈ చిత్ర ఫస్ట్ గ్లిమ్ప్స్ వీడియో ఆసక్తికరంగా అనిపించింది. అలాగే సింగిల్స్ యాథం అంటూ సాంగ్ విడుదల చేయడగా యూత్ కి తెగ నచ్చేసింది. ఈ చిత్ర టీజర్ ఈనెల 12న విడుదల కానుంది. ఐతే టీజర్ అనౌన్సుమెంట్ పోస్టర్ లో నితిన్ లుక్ కొంచెం ద్వందార్ధాలతో కూడుకున్నదిగా ఉంది. నితిన్ రెండు చేతులలో రెండు బత్తాయిలు పట్టుకొని హీరోయిన్ కి చూపిస్తూ పలకరించడం కొంచెం వొల్గర్ గా అనిపిస్తుంది. ఈ పోస్టర్ చూస్తుంటే భీష్మ చిత్రంలో బోల్డ్ నెస్ తో కూడిన అడల్ట్ కామెడీ మరియు కంటెంట్ కూడా ఉంటుంది అనిపిస్తుంది. భీష్మ చిత్రం పట్ల ప్రేక్షకులలో ఇప్పటివరకు ఉన్న అభిప్రాయం ఈ పోస్టర్ మార్చివేసింది. సూర్యదేవర నాగ వంశీ ఈ చిత్రాన్ని తెరకెక్కిస్తుండగా, మహంతి సాగర్ సంగీతం అందిస్తున్నారు.

దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!