నాని ఎంసీఏ చిత్రంలో కీలక రోల్ పోషించిన భూమిక!

నేచురల్ స్టార్ నాని వరుసగా విజయాలను అందుకుంటున్నారు. ప్రస్తుతం దిల్ రాజు నిర్మాణంలో MCA (మిడిల్ క్లాస్ అబ్బాయి) చేస్తున్నారు. వేణు శ్రీరాం దర్శకత్వం వహిస్తున్న ఈ మూవీ టీజర్ యువతను ఆకర్షించింది. డిసెంబర్ 21  థియేటర్లోకి రానున్న సినిమాకి సంబంధించి ఆసక్తికర విషయం బయటికి వచ్చింది. అలనాటి ప్రముఖ హీరోయిన్ భూమిక MCA లో ఒక కీలక పాత్రలో కనిపించనుందని నిర్మాత దిల్ రాజు తెలిపారు. భూమిక పెళ్లి అయిన తర్వాత కొన్ని సినిమాలు చేశారు. బిడ్డ పుట్టిన తర్వాత భూమిక ధోనీ బయోపిక్ మూవీలో హీరో అక్కగా నటించింది. తెలుగులో మాత్రం ఇదే తొలి  సినిమా.

అయితే ఇందులో  నాని కి వదినగా భూమిక నటిస్తున్నట్టు తెలిసింది. నాని కి అన్నగా రాజీవ్ కనకాల కనిపించనున్నారు. రాక్ స్టార్ దేవి శ్రీ ప్రసాద్ కంపోజ్ చేసిన ఆ సాంగ్స్ అదరగొడుతున్నాయి. వరుసగా ఏడు హిట్లు అందుకొని పవన్ రికార్డ్స్ ని బద్దలు కొట్టిన నాని మిడిల్ క్లాస్ అబ్బాయి గా మరో రికార్డును నెలకొల్పడం ఖాయమని సినీ విశ్లేషకులు భావిస్తున్నారు.