Acharya Movie: అన్నీ అనుకున్నట్లు జరిగితే ‘ఆచార్య’ వచ్చేదప్పుడే!

July 8, 2021 / 03:34 PM ISTByFilmy Focus

Join Us

Acharya Movie: అన్నీ అనుకున్నట్లు జరిగితే ‘ఆచార్య’ వచ్చేదప్పుడే!

అభిమాన హీరో పుట్టిన రోజుకు సినిమా అనౌన్స్‌మెంట్‌, ప్రచార చిత్రం రిలీజ్‌ లాంటివి వస్తేనే అభిమానులు మురిసిపోతారు. అలాంటి ఏకంగా సినిమానే పుట్టిన రోజు గిఫ్ట్‌గా ఇస్తే… వాళ్ల ఆనందానికి అవధులు ఉండవు. అలాంటి ఆనందాన్నే అభిమానులకు ఇవ్వాలని ‘ఆచార్య’ బృందం ప్రయత్నాలు చేస్తోంది. అన్నీ అనుకున్నట్లుగా జరిగితే చిరంజీవి పుట్టిన రోజు కానుకగా ‘ఆచార్య’ను విడుదల చేయాలని అనుకుంటోందట. ‘ఆచార్య’ చిత్రీకరణను త్వరలో మొదలుపెడతారని సమాచారం. అందులో భాగంగా 12 రోజులపాటు చిత్రీకరణ జరుపుతారట.

అందులో ఎనిమిది రోజులు చరణ్‌, నాలుగు రోజులు చిరంజీవి పాల్గొంటారని ఇప్పటికే మనం చదువుకున్నాం. ఇవన్నీ పక్కనపెడితే… సినిమాను వీలైనంత త్వరగా విడుదల చేయాలని చిరంజీవి అండ్‌ కో అనుకుంటున్నారట. ఇదే విషయంలో దర్శకుడు కొరటాల శివకు కూడా చెప్పారట. ఈ నెలాఖరు కల్లా సినిమా చిత్రీకరణ పూర్తి చేసుకొని, పోస్ట్‌ ప్రొడక్షన్‌ పనులు పారలల్‌గా కొనసాగించాలని నిర్ణయించుకున్నారట. అలా ఆగస్టు 20న సినిమాను విడుదల చేసే ప్రయత్నాలు జరుగుతున్నాయని టాక్‌.

మరి పరిస్థితులు అనుకూలిస్తాయా. కరోనా కనికరిస్తుందా… సినిమా పనులు వేగంగా సాగుతాయా అనేది చూడాలి. ఒకవేళ ఇవన్నీ అనుకున్న సమయానికి అయిపోతే… ఈ పుట్టిన రోజుకు చిరు అభిమానులు సినిమాను ఎంజాయ్‌ చేయొచ్చు.