Allu Arjun: పాపం.. బన్నీ హీరోయిన్ కు ఒక్క హిట్టూ లేదే..?

అల్లు అర్జున్ గుణశేఖర్ కాంబినేషన్ లో తెరకెక్కిన వరుడు సినిమాతో టాలీవుడ్ ఇండస్ట్రీలోకి ఎంట్రీ ఇచ్చారు భానుశ్రీ మెహ్రా. సాధారణంగా స్టార్ హీరోల సినిమాలతో ఇండస్ట్రీలోకి ఎంట్రీ ఇస్తే జయాపజయాలకు అతీతంగా వరుస మూవీ ఆఫర్లు వస్తాయి. అయితే వరుడు హీరోయిన్ విషయంలో మాత్రం భిన్నంగా జరిగింది. వరుడు సినిమా డిజాస్టర్ కావడంతో టాలీవుడ్ ఇండస్ట్రీలో భానుశ్రీ మెహ్రాకు పెద్దగా ఆఫర్లు రాలేదు. ఈ హీరోయిన్ కు అడపాదడపా ఆఫర్లు వచ్చినా ఆ ఆఫర్లు కెరీర్ కు ప్లస్ కాలేదు.

అల్లరి నరేష్ బ్రదర్ ఆఫ్ బొమ్మాళీ, చరణ్ గోవిందుడు అందరివాడేలే సినిమాల్లో చిన్న పాత్రల్లో భానుశ్రీ నటించినా ఆ సినిమాలు కూడా ఈమె కెరీర్ కు ప్లస్ కాలేదు. భానుశ్రీకి సొంతంగా ఒక యూట్యూబ్ ఛానల్ ఉండగా ఆ యూట్యూబ్ ఛానల్ లోని వీడియోలకు భారీగా వ్యూస్ రావడం లేదు. చాలామంది తెలుగు ప్రేక్షకులు ఈ హీరోయిన్ ను మరిచిపోయారు. అయితే ఈ హీరోయిన్ మాత్రం సోషల్ మీడియాలో యాక్టివ్ గా ఉండటంతో పాటు సెలబ్రిటీలు పెట్టే పోస్టుల కింద కామెంట్లు పెడుతూ సినిమాల్లో యాక్టివ్ అయ్యేందుకు ప్రయత్నిస్తున్నారు.

తాజాగా అలు అర్జున్ తన తొలి సినిమా గంగోత్రి విడుదలై 18 సంవత్సరాలైందని ట్వీట్ చేయగా వరుడు సినిమా రిలీజై 11 సంవత్సరాలైందని భానుశ్రీ మెహ్రా కామెంట్ పెట్టడం గమనార్హం. స్టార్ హీరో ట్వీట్లకు భానుశ్రీ ఇలా సంబంధం లేని రిప్లై పెట్టడంపై నెటిజన్ల నుంచి భిన్నాభిప్రాయాలు వ్యక్తమవుతున్నాయి. అందం, అభినయం ఉన్నా భానుశ్రీ మెహ్రాకు అదృష్టం మాత్రం లేదు.ఒకవేళ వరుడు సినిమా హిట్టై ఉంటే మాత్రం ఆమె కెరీర్ మరో విధంగా ఉండేదని నెటిజన్లు అభిప్రాయపడుతున్నారు. అల్లు అర్జున్ తో నటించిన చాలామంది హీరోయిన్లు వరుస విజయాలను సొంతం చేసుకుంటుంటే భానుశ్రీ మాత్రం ఫ్లాప్ హీరోయిన్ గా మిగిలిపోవడం గమనార్హం.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!