బిగ్ బాస్ హౌస్ లో అన్ని భావోద్వేగాలకి కొదవేలేదు. ముఖ్యంగా హౌస్ మేట్స్ ఎమోషనల్ గా ఏడుస్తుంటే అది చూసే ఆడియన్స్ వారికి బాగా కనెక్ట్ అయిపోయి వాళ్లు కూడా బాధపడిపోతారు. ఇందులో భాగంగానే ట్రాన్స్ డెండర్ అయిన ప్రియాంక తను అమ్మాయిగా మారడాన్ని వాళ్ల నాన్న ఒప్పుకోరని చెప్తూ వచ్చింది. ఇంట్లో ఈవిషయం అస్సలు తెలియదని, ఇప్పటికీ వాళ్ల నాన్న సాయితేజ అని పిలుస్తారని చెప్పుకొచ్చింది. ఇక హౌస్ లో ప్రియాంక బర్త్ డే సందర్భంగా బిగ్ బాస్ సర్ ప్రైజ్ గిఫ్ట్ అంటూ వాళ్ల నాన్న అమ్మ మాట్లాడిన వీడియోని ప్లే చేశాడు. ఇది చూసిన ప్రియాంక గుండెలు పగిలేలా బాధపడింది.
వెక్కి వెక్కి ఏడుస్తూ, నాన్నని చూసి మురిసిపోయింది. టివి దగ్గరకి వెళ్లి మరీ బాధపడింది. ఇది చూస్తున్న మిగతా హౌస్ మేట్స్ కళ్లల్లో కూడా నీళ్లు తిరిగాయి. అందరూ బాగా ఎమోషనల్ అయ్యారు. ముఖ్యంగా ప్రియ వచ్చి నీ సమస్య తీరినట్లే. నిన్ను యాక్సెప్ట్ చేశారు ఇంకేకావాలి చెప్పు అంటూ మాట్లాడింది. ప్రియాంకని ఓదార్చింది. ఇంతకంటే బెస్ట్ గిఫ్ట్ నీకు లైఫ్ లో ఏముంటుంది అంటూ చెప్పింది. ఇక బిగ్ బాస్ టీమ్ నుంచి చీర, పూలు, స్వీట్స్ వచ్చాయి. వీటిని చూసిన హౌస్ మేట్స్ అందరూ హ్యాపీగా ఫీల్ అయ్యారు. ఇక్కడే ప్రియాంక నేను మా సొంతింటికి కూడా దొంగలాగా ఇంటికి వెళ్తానని, సంక్రాంతికి అయినా, ఏదైనా పండగ వచ్చినా కూడా జర్కిన్ వేస్కుని ఫుల్ గా ముఖం కప్పుకుని మరీ వెళ్తాను అంటూ చెప్పుకొచ్చింది.
నేను ఇంటికి వచ్చానని పక్కింటివారికి కూడా తెలియకుండా ఇంట్లోకి వెళ్తానని ఏడ్చేసింది. నిజానికి నాకు బ్రదర్స్ ఉన్నారు, సిస్టర్స్ ఉన్నారు అందరూ ఉన్నారు కానీ ఎవరి లైఫ్ వారిది. నాకు మాత్రం నా జీవితంలో ఇంతకంటే పెద్ద గిఫ్ట్ అస్సలు లేదు అంటూ ఎమోషనల్ అయిపోయింది పింకీ. అంతేకాదు, వాళ్ల నాన్నకి ఐలవ్ యూ చెప్తూ గట్టిగా పట్టుకుని నిన్ను చాలా విషయాలు చెప్పాలి నాన్ని అంటూ బాగా బాధపడింది. ఇక ఇంటినుంచీ వచ్చిన పూలతో అలంకరించుకుని , శారీ కట్టుకుని సందడి చేసింది. పింకీ తన ఫ్యామిలీ గురించి చెప్తుంటే హమీదా వాళ్ల కుంటుబాన్ని గుర్తు చేస్కుని మరీ ఏడ్చింది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home