అంజలి (Anjali) ప్రధాన పాత్రలో నటించిన వెబ్ సిరీస్ ‘బహిష్కరణ’ ఇటీవల స్ట్రీమింగ్కి వచ్చి మంచి విజయం అందుకుంది. ఈ క్రమంలో టీమ్ ప్రచారాన్ని ముమ్మరం చేసింది. అలా ఇటీవల నిర్వహించిన ఓ ఈవెంట్కు బిగ్బాస్ తెలుగు కంటెస్టెంట్లు చాలామంది వచ్చారు. అంజలితో వీళ్లెవరికి పరిచయం లేదు. అలా అని మిగిలిన నటులకు కూడా పరిచయం లేదు. దీంతో వీళ్లెందుకు వచ్చారు అని అనుకుంటే.. ఆసక్తికర విషయం ఒకటి బయటకు వచ్చింది. అదే ‘బహిష్కరణ’కు ‘బిగ్ బాస్’కు ఉన్న లింక్.
మామూలుగా బిగ్ బాస్ షో వస్తోంది అంటే.. వీకెండ్ కోసం ఎంతమంది ఎదురుచూస్తారో? డెయిలీ ప్రోమోల కోసం కూడా అంతే వెయిట్ చేస్తుంటారు. ఎందుకంటే ఏం జరిగింది అనే ఉత్సుకత, ఉత్కంఠ ఉండేలా భలేగా కట్ చేసి, ఎడిట్ చేస్తుంటారు. అంతలా ఆ ప్రోమోలకు ఫ్యాన్ బేస్ ఉంది. ఆ రోజు రాత్రి బిగ్ బాస్ కోసం జనాలు వెయిట్ చేసేలా చేసేవి అవే అని కూడా చెప్పొచ్చు. ఆ ప్రోమోలకు, బిగ్బాస్కు లింక్ ఉంది.
బిగ్ బాస్ ప్రోమోలు కట్ చేసే వ్యక్తి, ఇప్పుడు ‘బహిష్కరణ’ వెబ్ సిరీస్ను డైరెక్ట్ చేసిన వ్యక్తి ఒకరే అనేదే ఇక్కడ లింక్. ‘బహిష్కరణ’ దర్శకుడు ముఖేష్ ప్రజాపతినే బిగ్ బాస్ ఎడిటర్. ‘బహిష్కరణ’ ప్రచార కార్యక్రమానికి వచ్చిన సొహైల్ స్పీచ్ తరవాతే ఈ విషయం బయటకు వచ్చింది. బిగ్ బాస్ ఆట అంత రంజుగా సాగుతుందంటే.. ముఖేష్ ప్రజాపతి రూపొందించే ప్రోమోలే అని సోహైల్ అన్నాడు.
ముఖేష్ బిగ్ బాస్లో మా ప్రోమోలు, ఏవీలు చేసేవాడు. బుల్లితెర నుండి ఎవరైనా నటుడు, డైరెక్టర్ సినిమాలవైపు, ఓటీటీలవైపు వస్తే హ్యాపీగా ఉంటుంది. ‘బహిష్కరణ’ ఫస్ట్ ఎపిసోడ్ చూసిన తరువాత ‘ఇలాంటి డైరెక్టర్ పడాల్రా’ అని అనుకున్నాను అని చెప్పాడు సోహైల్. అయితే ముఖేశ్ దర్శకుడు అయిపోయాడు కాబట్టి.. సీజన్ 8 ప్రోమోలు ఎవరు కట్ చేస్తారో, చేస్తే ఎలా ఉంటాయో చూడాలి.
