RC15: రామ్ చరణ్ కోసం యష్, సూర్య..?

October 30, 2022 / 10:02 PM ISTByFilmy Focus

Join Us

మెగా పవర్ స్టార్ రామ్ చరణ్, దర్శకుడు శంకర్ కాంబినేషన్ లో సినిమా తెరకెక్కుతోన్న సంగతి తెలిసిందే. రామ్ చరణ్ కెరీర్ లో 15వ సినిమా ఇది. ఈ సినిమా అప్డేట్స్ కోసం అభిమానులు ఎంతో ఆసక్తిగా ఎదురుచూస్తున్నారు. దిల్ రాజు ఈ సినిమాను నిర్మిస్తున్నారు. ప్రస్తుతం ఆయన ‘వారసుడు’ సినిమా పనులతో బిజీగా ఉండడంతో ఇతర సినిమాల ప్రమోషన్స్ గురించి పట్టించుకోవడం లేదు. ‘వారసుడు’ రిలీజ్ తరువాతే మిగిలిన సినిమాలపై ఫోకస్ చేయాలని నిర్ణయించుకున్నారు దిల్ రాజు అండ్ టీమ్.

తాజాగా అందుతున్న సమాచారం ప్రకారం.. ఈ సినిమా టైటిల్ లాంచ్ ఈవెంట్ ను చాలా గ్రాండ్ గా ప్లాన్ చేస్తున్నారట. 2023 సంక్రాంతికి ‘వారసుడు’ రిలీజ్ అయిన తరువాత హైదరాబాద్ లేదా ముంబైలో ఒక చోట వేదికను సెట్ చేసి ఓ పెద్ద వేడుక చేయబోతున్నట్లు సమాచారం. ముఖ్య అతిథులుగా కేజీఎఫ్ ఫేమ్ యష్, తమిళ స్టార్ హీరో సూర్యరాబోతున్నారు . ఇప్పటివరకు కన్ఫర్మ్ అయిన వాళ్లలో ఈ ఇద్దరు హీరోలు ఉన్నారు.

మరికొందరు గెస్ట్ లను ఫైనల్ చేసే పని జరుగుతున్నట్లు తెలిసింది. ఒక అరుదైన కలయిక మధ్య టైటిల్ ను రివీల్ చేస్తారట. ఇప్పటివరకు ఈ సినిమాకి సంబంధించిన ఫస్ట్ లుక్ పోస్టర్ కూడా బయటకు రాలేదు. కానీ బిజినెస్ మాత్రం ఓ రేంజ్ లో జరుగుతోంది. ఓవర్సీస్ హక్కులు సుమారు రూ.15 కోట్లకు అమ్ముడైనట్లు సమాచారం. రెండు తెలుగు రాష్ట్రాలతో పాటు నార్త్ కు సంబంధించిన డిస్ట్రిబ్యూషన్ ఎంక్వయిరీలు కూడా జరుగుతున్నాయి.

ఇప్పటివరకు అయితే సినిమా రిలీజ్ డేట్ ను లాక్ చేయలేదు. కానీ సమ్మర్ లో లేదా ఆగస్టులో సినిమా రిలీజ్ అయ్యే ఛాన్స్ ఉంది. ఈ సినిమాకి చరణ్ సరసన కియారా అద్వానీ హీరోయిన్ గా కనిపించనుంది.