నందమూరి కళ్యాణ్ రామ్ హీరోగా నూతన దర్శకుడు మల్లిడి వశిష్ట్ తెరకెక్కించిన ‘బింబిసార’ మూవీ ఎంత పెద్ద బ్లాక్ బస్టర్ అయ్యిందో ప్రత్యేకంగా చెప్పనవసరం లేదు. కళ్యాణ్ రామ్ కెరీర్లోనే హైయెస్ట్ బడ్జెట్ తో ఈ చిత్రం రూపొందింది. ‘ఎన్టీఆర్ ఆర్ట్స్’ బ్యానర్ పై కళ్యాణ్ రామ్ బావమరిది హరికృష్ణ.కె రూ.40 కోట్ల భారీ బడ్జెట్ తో ఈ చిత్రాన్ని రూపొందించాడు. సంయుక్త మీనన్, కేథరిన్ లు హీరోయిన్లుగా నటించిన ఈ మూవీకి రూ.16 కోట్ల థియేట్రికల్ బిజినెస్ జరుగగా..
ఫుల్ రన్ ముగిసేసరికి ఈ మూవీ ఏకంగా రూ.37.92 కోట్ల షేర్ ను రాబట్టి.. బాక్సాఫీస్ వద్ద ఈ మూవీ డబుల్ బ్లాక్ బస్టర్ గా నిలిచింది. పోటీగా మరో బ్లాక్ బస్టర్ సినిమా ఉన్నప్పటికీ ఈ మూవీ డబుల్ బ్లాక్ బస్టర్ గా నిలవడం అంటే మామూలు విషయం కాదు. ఇక ఈ చిత్రం డిజిటల్ మరియు శాటిలైట్ హక్కులను జీ5 సంస్థ దక్కించుకున్న సంగతి తెలిసిందే. ఇటీవల అంటే జనవరి 8న సాయంత్రం 6 గంటలకు ‘బింబిసార’ టెలివిజన్ ప్రీమియర్ జీ తెలుగులో ప్రసారమయ్యింది.
అయితే మొదటిసారి టెలికాస్ట్ అయినప్పుడే ఈ మూవీకి 11.5 టి.ఆర్.పి రేటింగ్ నమోదయ్యింది. ఈ చిత్రం డిజిటల్ మరియు శాటిలైట్ హక్కులను రూ.15 కోట్లకు జీ5 సంస్థ కొనుగోలు చేసింది. కాబట్టి.. మొదటిసారి టెలికాస్ట్ తోనే ‘జీ’ వారు సేఫ్ అయిపోయారన్న మాట. తర్వాత టెలికాస్ట్ తో నమోదయ్యే టి.ఆర్.పి తో మరింత లబ్ది పొందే అవకాశం పుష్కలంగా ఉంది. కాబట్టి.. ‘బింబిసార’ ఇక్కడ కూడా సూపర్ హిట్ అనే చెప్పాలి.
పైగా భీమ్లా నాయక్, సర్కారు వారి పాట, రాధే శ్యామ్ వంటి బడా స్టార్ హీరోల సినిమాల టి.ఆర్.పి ల కంటే కూడా ‘బింబిసార’ ఎక్కువ టి.ఆర్.పి రేటింగ్ ను నమోదు చేసింది. అందుకే ‘బింబిసార’ టి.ఆర్.పి రేటింగ్ గురించి ప్రత్యేకంగా చెప్పుకోవాలి.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
