బోల్డ్‌ సీన్లు ఎక్కువ ఉన్నాయని… థియేటర్లలో కాకుండా ఓటీటీలో ఓ సినిమా నేరుగా విడుదల చేస్తున్నారని ఆ మధ్య మన వెబ్‌ సైట్‌లో చదివారు గుర్తుందా? దీపిక పడుకొణె, అనన్య పాండే ప్రధాన పాత్రల్లో రూపొందుతున్న సినిమా అని కూడా మనం రాశాం. ఆ సినిమా టీజర్‌ ఇప్పుడు విడుదలైంది. సినిమా దర్శకుడు ఎందుకు డైరెక్ట్ ఓటీటీ అన్నాడో. ఆ టీజర్‌ చూస్తేనే అర్థమపోతుంది. చిన్నపాటి వీడియోలోనే బోల్డ్‌నెస్‌ను పక్కాగా చూపించారు దర్శకుడు షకున్‌ బత్రా.
దీపికా పడుకొణె- సిద్ధాంత్‌ చతుర్వేది… అనన్యా పాండే- ధైర్యా కర్వా జంటలుగా ఈ సినిమాను రూపొందిస్తున్నారు. ఈ సినిమా పేరు చెప్పలేదు కదా… ‘గెహ్రహియా’. ముందుగా చెప్పినట్లు ఈ సినిమాను ఓటీటీలో స్ట్రీమ్‌ చేస్తున్నారు. మోడరన్‌ లైఫ్‌లో బంధాలు, బంధుత్వాలు, ప్రేమలు నేపథ్యంలో దర్శకుడు షకున్‌ బత్రా ఈ సినిమా రూపొందించారు. ఇందులో భాగంగా రెండు జంటల కథను తెరపై ఆవిష్కరిస్తున్నారు. ఈ క్రమంలో ఆ జంటల మధ్య జరిగే ముద్దు ముచ్చట్లు, హద్దు మీరడాలు, అలకలు, కోపాలు, కష్టాలు, నష్టాలకు ఈ సినిమా వేదికగా ఉంటుందట.
చిన్నపాటి టీజర్‌లోనే ఇలాంటి బోల్డ్‌ సీన్లు బోలెడు ఉన్నాయి. దీంతోపాటు సినిమా చిత్రీకరణ సందర్భంగా తీసిన కొన్ని ఫొటోలను కూడా సోషల్‌ మీడియాలో పంచుకున్నారు. అమెజాన్‌ ప్రైమ్‌లో ఈ సినిమా జనవరి 25న స్ట్రీమ్‌ అవుతుంది. విడుదల చేసిన టీజర్‌ చూస్తే… ఈ సినిమాలో దీపిక పడుకొణె… సిద్ధాంత్‌ చతుర్వేదితో ముద్దు సన్నివేశాల్లో మునిగి తేలుతోంది. అనన్య పాండేకు కూడా ఇలాంటి సన్నివేశాలు ఉన్నాయి. ఈ సినిమాలో నసీరుద్దీన్‌ షా, రాజాత్‌ కపూర్‌ తదితరులు కీలక పాత్రలు పోషించారు.
సుమిత్‌ రాయ్‌ కథ అందించగా కరణ్‌ జోహర్‌ ప్రొడక్షన్‌ హౌస్‌ ధర్మా ప్రొడక్షన్స్‌ హౌస్‌, వయాకమ్‌ 18 తదితర నిర్మాణ సంస్థలు ఈ సినిమాను నిర్మిస్తున్నాయి. షకున్‌ బత్రా సినిమాలు అంటే… రియల్‌ లైఫ్‌కు దగ్గరగా ఉంటాయి అని గతంలోనే నిరూపించారు. ఇప్పుడు ‘గెహ్రహియా’తో మరోసారి ఆ తరహా ప్రయత్నం చేయబోతున్నారు. అయితే ఇందులో బోల్డ్‌నెస్‌ ఎంత మాత్రం ఉంది అనేదే ఇప్పుడు ప్రశ్న.
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home