యంగ్ రెబల్ స్టార్ ప్రభాస్ నటించిన బాహుబలి తెలుగు ప్రజలను మాత్రమే కాదు. ప్రపంచవ్యాప్తంగా ఉన్న సినీ ప్రేక్షకులను అలరించింది. దర్శకధీరుడు ఎస్.ఎస్.రాజమౌళి వెండితెరపై సృష్టించిన ఈ కళాఖండానికి కొనసాగింపుగా వస్తున్న బాహుబలి కంక్లూజన్ కోసం అందరూ ఎదురుచూస్తున్నారు. బాహుబలిని కట్టప్ప ఎందుకు చంపాడు? అనే ప్రశ్నకు సమాధానం తెలుసుకోవాలని ఆరాటపడుతున్నారు. ముఖ్యంగా బాలీవుడ్ ప్రేక్షకులు బాహుబలి 2 ని చూసేందుకు ఎక్కువ ఆసక్తి చూపిస్తున్నారు. ఈ విషయం తాజాగా జరిగిన అధ్యయనంలో బయటపడింది.
ఈ ఏడాది ఏ సినిమాను చూడటానికి ఎక్కువ ఆసక్తిగా ఉన్నారు ? అనే ప్రశ్నను వారి ముందు ఉంచగా, బాహుబలి కంక్లూజన్ అని సమాధానం చెప్పారంట. తమ హీరోల చిత్రాలను పక్కన పెట్టి ప్రభాస్ మూవీ కోసం ఎదురుచూస్తున్నారంటే బాహుబలి ఎంత బాగా నచ్చిందో అర్ధమవుతోంది. వారి అంచనాలకు మించి ఉండాలని జక్కన్న శ్రమిస్తున్నారు. షూటింగ్ పూర్తి చేసుకున్న ఈ మూవీ ప్రస్తుతం ఎడిటింగ్, వీఎఫ్ ఎక్స్ వర్క్ జరుపుకుంటోంది. ప్రపంచవ్యాప్తంగా అనేక భాషల్లో ఏప్రిల్ 28 న విడుదల కావడానికి ముస్తాబవుతోంది.
Also, do SUBSCRIBE to our YouTube channel to get latest Tollywood updates.
