యంగ్ రెబల్ స్టార్ ప్రభాస్, దర్శకధీరుడు ఎస్.ఎస్.రాజమౌళి కాంబినేషన్లో తెరకెక్కిన బాహుబలి కంక్లూజన్ మూవీ మోషన్ పోస్టర్స్ అంచనాలను పెంచేసాయి. ఏప్రిల్ 28 న థియేటర్లోకి రానున్న ఈ సినిమా ట్రైలర్ కోసం ప్రపంచవ్యాప్తంగా ఫ్యాన్స్ ఎదురుచూస్తున్నారు. ఈనెల 15 న ట్రైలర్ రిలీజ్ చేయడానికి జక్కన్న బృందం సిద్ధమవుతోంది. వేదికగా ముంబై ని ఎంచుకుంది. అంతేకాదు ఈ వేడుకకు బాలీవుడ్ స్టార్స్ హాజరుకానున్నట్లు సమాచారం. హిందీ థియేటర్స్ రైట్స్ కొనుగోలు చేసిన కరణ్ జోహార్ తో పాటు బిగ్ బీ అమితాబ్ బచ్చన్, యాక్షన్ హీరో అక్షయ్ కుమార్ ట్రైలర్ రిలీజ్ వేదికపై సందడి చేయనున్నారు.
వీరిద్దరూ ఇంగ్లిష్, హిందీ వెర్షన్ ట్రైలర్స్ ఆవిష్కరించనున్నారు. ఇక తెలుగు, ఇతర దక్షిణాది భాషల ట్రైలర్స్ ని ఆయా భాషల్లోని స్టార్ హీరోల చేత రిలీజ్ చేయించాలని రాజమౌళి గట్టిగానే ప్రయత్నిస్తున్నారు. మరో రెండు రోజుల్లో ఈ విషయాలపై అధికారిక ప్రకటన రానుంది.
Also, do SUBSCRIBE to our YouTube channel to get latest Tollywood updates.
