Boyapati Srinu: అఖండ2 పై అంచనాలు పెంచిన బోయపాటి.. అలా చెప్పడంతో?

బాలయ్య (Nandamuri Balakrishna) బోయపాటి శ్రీను (Boyapati Srinu) కాంబినేషన్ లో తెరకెక్కిన అఖండ (Akhanda) మూవీ బాక్సాఫీస్ వద్ద బ్లాక్ బస్టర్ హిట్ గా నిలవగా ఈ సినిమాకు సీక్వెల్ గా తెరకెక్కనున్న అఖండ2 కోసం ప్రేక్షకులు ఒకింత ఆసక్తిగా ఎదురుచూస్తున్నారు. తాజాగా బోయపాటి శ్రీను ఈ సినిమా గురించి షాకింగ్ అప్ డేట్ ఇవ్వగా ఆ విషయాలు నెట్టింట తెగ వైరల్ అవుతున్నాయి. ప్రస్తుతం ఎన్నికల హడావిడి ఉందని ఈ హడావిడి పూర్తైన తర్వాత అఖండ2 ప్రకటన ఉంటుందని ఆయన వెల్లడించారు.

అఖండలో పసిబిడ్డ, పరమాత్మ, ప్రకృతి కాన్సెప్ట్ లను చూపించానని అఖండ సీక్వెల్ లో సమాజానికి కావాల్సిన ఒక మంచి విషయం ఉంటుందని బోయపాటి శ్రీను పేర్కొన్నారు. దైవత్వం మనందరిలో ఒక భాగమని దాన్ని తెరపై చూపిస్తే ప్రేక్షకులు ఆదరిస్తారని ఆయన కామెంట్లు చేశారు. ఇప్పటికే అఖండ2 స్క్రిప్ట్ వర్క్ మొదలైందని బోయపాటి శ్రీను పేర్కొన్నారు. బాలయ్య ప్రస్తుతం పొలిటికల్ కార్యక్రమాలతో బిజీగా ఉన్నారు.

అధికార పార్టీ నేతలపై బాలయ్య ఘాటు విమర్శలు చేస్తుండగా ఆ కామెంట్లు నెట్టింట వైరల్ అయ్యాయి. బాబీ (Bobby) డైరెక్షన్ లో బాలయ్య ఒక సినిమాలో నటిస్తుండగా ఈ సినిమా టైటిల్ కు సంబంధించిన ప్రకటన కోసం ఫ్యాన్స్ ఆసక్తిగా ఎదురుచూస్తున్నారు. అఖండ2 సినిమాను బోయపాటి శ్రీను ఏ రేంజ్ లో ప్లాన్ చేశారో చూడాల్సి ఉంది. అఖండ2 సినిమా వచ్చే ఏడాది చివర్లో విడుదల కానుందని తెలుస్తోంది.

బోయపాటి శ్రీను తన డైరెక్షన్ లో తెరకెక్కే ప్రతి సినిమా 100 కోట్ల రూపాయల కంటే ఎక్కువ మొత్తం బడ్జెట్ తో తెరకెక్కుతుందని ప్రకటించిన సంగతి తెలిసిందే. అఖండ2 సినిమా రికార్డులు క్రియేట్ చేసే మూవీ అవుతుందని పాన్ ఇండియా మూవీగా ఈ సినిమాను రిలీజ్ చేస్తే బాగుంటుందని మరి కొందరు కామెంట్లు చేస్తున్నారు. అఖండ2 బాలయ్య కెరీర్ లో స్పెషల్ గా నిలుస్తుందని ఫ్యాన్స్ ఫీలవుతున్నారు.