విన‌య విధేయ రామ‌ అసలు ఫస్ట్ లుక్ ని చివరి నిమిషంలో మార్చేసిన బోయపాటి!

మెగా పవర్ స్టార్ రామ్ చరణ్ తేజ్ రంగస్థలం వంటి బ్లాక్ బ్లాస్టర్ తరువాత బోయపాటి సినిమాలో నటిస్తున్న విషయం తెలిసినప్పటి నుండి కూడా అభిమానుల్లో అంచనాలు అమాంతంగా పెరిగాయి. రామ్ చరణ్ ని ఫుల్ లెంత్ మాస్ క్యారెక్టర్ లో అది మాస్ డైరెక్టర్ బోయపాటి డైరెక్షన్ లో అంటే అభిమానులకు ఫుల్ స్క్రీన్ పండగే అని తెగ ఆనందపడుతున్నారు. ఇక సినిమా షూటింగ్ దగ్గరి నుండి ఎలాంటి వార్త తెలియకపోవడంతో నిరాశలో ఉన్న అభిమానులకి దీపావళి కానుకగా ఫస్ట్ లుక్ పోస్టర్ ని రిలీజ్ చేసారు.

అయితే విన‌య విధేయ రామ‌ పేరుతో రామ్ చరణ్ పోస్టర్ ని రిలీజ్ చేయగా, దానిపైన భిన్నాభిప్రాయాలు ఉన్నాయి. సినిమా టైటిల్ కి లుక్ కి ఎక్కడ పోలిక లేదని కొందరు, అసలు బోయపాటి మాస్ అప్పియరెన్స్ పోస్టర్ లో అంతగా లేదంటూ కొందరు నిరాశ వ్యక్తం చేయగా, అసలు సినిమాకి సంబంధించి వేరే ఒక లుక్ ని విడుదల చేయాల్సి ఉండగా దానికి చరణ్ కూడా ఒకే చెప్పగా చివరి నిమిషంలో బోయపాటి ఈ లుక్ ని రిలీజ్ చేశారంట. దీపావళి కావడంతో సంప్రదాయంగా, బుద్దిగా ఉండే రామ్ చరణ్ లుక్ ని మొదట రిలీజ్ చేయాలనీ అనుకోని చివరి క్షణంలో బోయపాటి గారు దానిని కాదని ఈ పోస్టర్ ని రిలీజ్ చేయించారట. ఇక బోయపాటి ముందు అనుకున్నా పోస్టర్ ని త్వరలోనే అభిమానుల కోసం రిలీజ్ చేయనున్నట్లు వార్తలు వినిపిస్తున్నాయి.