హాస్య బ్రహ్మ, పద్మశ్రీ బ్రహ్మానందం (Brahmanandam) గారి ఫ్యామిలీ అందరికీ సుపరిచితమే. ఆయన పెద్ద కొడుకు రాజా గౌతమ్ హీరోగా సినిమాలు చేశారు. ‘దూత’ (Dhootha) వంటి వెబ్ సిరీస్ లో కూడా నటించారు. ఇక బ్రహ్మానందం చిన్న కొడుకు సిద్దార్థ్ గురించి ఈ మధ్యనే జనాలకు తెలిసింది. విదేశాల్లో చదువుకున్న సిద్ధార్థ్ ఇటీవల వివాహం చేసుకున్న సంగతి తెలిసిందే. సిద్ధార్థ్ భార్య పేరు ఐశ్వర్య. ఈమె కరీంనగర్లో బాగా ఫేమస్ అయినటువంటి ఫెర్టిలిటీ డాక్టర్ పద్మజ గారి అమ్మాయి.
వీరి వివాహం ఘనంగా జరిగింది. టాలీవుడ్ స్టార్స్ లో చాలామంది వీరి పెళ్ళికి హాజరయ్యి బెస్ట్ విషెస్ తెలిపారు. ఇక తాజాగా బ్రహ్మానందం చిన్న కోడలు ఐశ్వర్య తన మామగారి పై ఉన్న అభిమానాన్ని చాటుకుని వార్తల్లో నిలిచింది. విషయం ఏంటంటే.. ఐశ్వర్య కూడా ఒక డాక్టరే. కాబట్టి… ఆమె కూడా హైదరాబాద్లో ఓ ఫెర్టిలిటీ సెంటర్ ని ఏర్పాటు చేసుకుందట. దానికి ‘బ్రహ్మ ఐవిఎఫ్ ఫెర్టిలిటీ సెంటర్’ అనే పేరును పెట్టినట్లు.. ఆమె భర్త సిద్దార్థ్ తన సోషల్ మీడియాలో షేర్ చేశాడు.
మామగారి పేరులో ఉన్న బ్రహ్మని తీసుకుని ఈ ఫెర్టిలిటీ సెంటర్ కి ఆ పేరు పెట్టుకుందట ఐశ్వర్య. ఇక బ్రహ్మానందం హవా ఈ మధ్య కాలంలో తగ్గింది. ‘బ్రో’ (BRO) ‘కల్కి 2898 AD ‘ (Kalki 2898 AD) ‘భారతీయుడు 2’ (Bharateeyudu 2) వంటి సినిమాల్లో ఆయన నటించారు కానీ..ఒకప్పటిలా ఆయన కామెడీ పండించలేకపోతున్నారు. ఏదో కనిపించాలి అనే ఆశతో ఆయన సినిమాలు చేస్తున్నట్టు స్పష్టమవుతుంది.
Home