టాలీవుడ్ లో స్టార్ కమెడియన్ గా చక్రం తిప్పిన బ్రహ్మానందంకి ఇప్పుడు సినిమా సినిమాలు బాగా తగ్గిపోయాయి. ఒకప్పుడు ఆయన లేని సినిమా ఉండేది కాదు. ఆయన వేసినన్ని వేషాలు మరే కమెడియన్ వేయలేదు. అలాంటిది ఇప్పుడు ఆయనకి అవకాశాలే లేకుండా పోయాయి. పైగా ఇటీవల అతడికి సర్జరీ కూడా జరగడంతో సినిమాలపై పెద్దగా ఫోకస్ చేయడం లేదు. సినిమా జనాలు కూడా దాదాపు బ్రహ్మీని వదిలేశారు.
అయితే గతంలో ‘రేసుగుర్రం’లో బ్రహ్మీ, బన్నీ కలిసి చేసిన కామెడీ బాగా పండింది. అది గుర్తుపెట్టుకున్న దర్శకుడు త్రివిక్రమ్ తన లేటెస్ట్ సినిమా ‘అల వైకుంఠపురములో’ సినిమా కోసం బ్రహ్మీని మరోసారి తెరపైకి తీసుకొచ్చినట్లు తెలుస్తోంది. సినిమాలో బ్రహ్మీకి పాత్ర అంటూ ఏమీ ఉండదు కానీ ఓ పాటలో మాత్రం బ్రహ్మీ తళుక్కున మెరుస్తాడని సమాచారం. ఫుల్ స్టైలిష్ లుక్ లో బ్రహ్మీని చూపిస్తారట. చాలా కాలం తరువాత బ్రహ్మీని కొత్త లుక్ లో ప్రేక్షకులు చూడబోతున్నారని చెబుతున్నారు. ఈ సినిమా సంక్రాంతి కానుకగా జనవరి 12న ప్రేక్షకుల ముందుకు రానుంది.
దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!
Home