టాలీవుడ్ లెజెండరీ కమెడియన్ బ్రహ్మానందం ఇంట పెళ్లిభాజాలు మోగనున్నాయి. ఆయన చిన్న కొడుకు సిద్దార్థ్ నిశ్చితార్థం వేడుక ఆదివారం ఘనంగా జరిగింది. డాక్టర్ పద్మజా వినయ్ కుమార్తె ఐశ్వర్యతో సిద్దార్థ్ నిశ్చితార్ధం జరిగింది. సిద్దార్ధ్‌కు కాబోయే భార్య ఐశ్వర్య కూడా డాక్టరే కావడం విశేషం. బ్రహ్మానందం చిన్న కుమారుడు గురించి తెలిసింది తక్కువే. ఆయన మీడియాలో పెద్దగా ఫోకస్ కాలేదు. పరిశ్రమకు రాలేదు. వృత్తి రీత్యా డాక్టర్ అయిన ఐశ్వర్య అనే అమ్మాయిని నిశ్చయించారు. ఇది పెద్దలు కుదిర్చిన వివాహమని తెలుస్తుంది.
కార్యక్రమానికి కమెడియన్ అలీ, నిర్మాత టి సుబ్బిరామిరెడ్డితో పాటు పలువురు టాలీవుడ్ ప్రముఖులు సిద్ధార్థ్ నిశ్చితార్థం వేడుకకు హాజరయ్యారు. సిద్దార్థ్-ఐశ్వర్యల ఎంగేజ్మెంట్ ఫోటోలు వైరల్ అవుతున్నాయి. బ్రహ్మానందంకి ఇద్దరు కుమారులు. పెద్ద కొడుకు రాజా గౌతమ్ హీరోగా ప్రయత్నం చేశారు. పల్లకిలో పెళ్లి కూతురు చిత్రంతో వెండితెరకు పరిచయమయ్యారు. రాఘవేంద్రరావు దర్శకత్వంలో వచ్చిన ఈ రొమాంటిక్ ఫ్యామిలీ ఎంటర్టైనర్ పర్లేదు అనిపించుకుంది. ఆయన హీరోగా గౌతమ్ కి బ్రేక్ రాలేదు.
ఇక కమెడియన్ గా దశాబ్దాల పాటు చిత్ర పరిశ్రమను (Brahmanandam) బ్రహ్మానందం ఏలారు. ఈ మధ్య ఆయన సినిమాలు తగ్గించారు. వయసు పైబడటంతో పాటు అనారోగ్య సమస్యలు తలెత్తుతున్న నేపథ్యంలో బ్రహ్మానందం ఆచితూచి సినిమాలు చేస్తున్నారు. ఇటీవల బ్రహ్మానందం రంగమార్తాండ మూవీలో కీలక రోల్ చేశారు. ఎప్పుడూ నవ్వించే పాత్రలు చేసిన బ్రహ్మానందం రంగమార్తాండ మూవీలో సీరియస్ రోల్ చేశారు. ఆయన ప్రేక్షకులను ఏడిపించేశారు. బ్రహ్మానందంలోని నయా యాంగిల్ మెప్పించింది.
దర్శకుడు కృష్ణవంశీ తెరకెక్కించిన రంగమార్తాండ మూవీలో ప్రకాష్ రాజ్, రమ్యకృష్ణ ప్రధాన పాత్రలు చేశారు. ఇక వేడుకలో ఎప్పటిలానే బ్రహ్మీ నవ్వులు పూయించారు. సిద్దార్థ్ కూడా హీరో మెటీరియల్ లానే కనిపిస్తున్నాడు. అయి అతనికి ఇండస్ట్రీ మీద ఇంట్రెస్ట్ లేకపోవడంతోనే బ్రహ్మీ చిన్న కొడుకును ఇండస్ట్రీకి దూరంగా ఉంచాడని సమాచారం. ఇ ఈ జంట పెళ్లి త్వరలోనే జరగనుందట. ఈ వివాహాన్ని బ్రహ్మీ అంగరంగ వైభవంగా చేయనునన్నట్లు తెలుస్తోంది.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
