పగడ్బంధీగా ‘బ్రహ్మోత్సవం’ ప్రమోషన్!!!

టాలీవుడ్ ప్రిన్స్ మహేష్ బాబు నటిస్తున్న తాజా చిత్రం ‘బ్రహ్మోత్సవం’. ఈ సినిమా ఇంకా విడుదల కాలేదు, కనీసం పాటలు అయినా రిలీజ్ కాలేదు…ఇంకా చెప్పాలి అంటే…ఈ సినిమా విడుదలకి ఇంకా చాలా..చాలా సమయముంది. అసలైతే ఈ నెల 20వ తేదీన సినిమా విడుదల అన్న టాక్ అయితే వినిపిస్తుంది కానీ, అధికారికంగా మాత్రం ఇంకా ప్రకటించలేదు కానీ పబ్లిసిటీ మాత్రం పీక్స్ లో ఉంది. అదే క్రమంలో ఈ నెల 7న ఆడియో మాత్రం అంగరంగా వైభవంగా జరిపేందుకు సన్నాహాలు చేస్తున్నారు.

ఇదిలా ఉంటే శ్రీమంతుడు లాంటి భారీ హిట్ తరువాత రాబోతున్న సినిమా కాబట్టి, సహజంగా సినిమాపై భారీ అంచనాలే ఉంటాయి…అందుకే ఆ అంచనాలను మించి పోయేలా, శ్రీమంతుడు సినిమాను మించి బిజినెస్  చేయాలని బ్రహ్మోత్సవం చిత్రబృందం గట్టి పట్టుదలతో పనిచేస్తోంది. అందుకే సినిమా తొలి టీజర్ నుంచే పబ్లిసిటీ స్టంట్ ను మొదలు పెట్టింది. అంతేకాకుండా సినిమా విడుదల దగ్గర పడేకొద్దీ పబ్లిసిటీ ఓ రేంజిలో ఉంటుందని చిత్రవర్గాలు చెబుతున్నాయి. మరి అంతటి ఫాలోయింగ్ ఉన్న హీరోకి ఇంత పబ్లిసిటీ ఎందుకంటే…మాస్ సినిమా అయితే ఫ్యాన్స్ వద్దన్నా ఆసక్తి చూపుతారు. కానీ  బ్రహ్మోత్సవంలాంటి ఫ్యామిలీ సబ్జెక్ట్ సినిమాని పకడ్భంధీగా ప్రమోట్ చేయాల్సిన అవసరముంటుందని ట్రేడ్ వర్గాలు చెబుతున్నాయి. అందుకే ఈ సినిమాకు ఓపెనింగ్స్ భారీగా వచ్చేలా పబ్లిసిటీ చేస్తోంది. మరి ఈ పబ్లిసిటీ ఎటువంటి ఫలితాన్ని ఇస్తుందో చూడాలి.