అభిమానుల తోపాటు ప్రేక్షకుల కూడా ఎంతో ఆతృతగా ఎదురు చూసే సినిమా పవర్ స్టార్ పవన్ కళ్యాణ్ హీరో గా నటించిన ‘బ్రో ది అవతార్’ చిత్రం కోసం. ఎందుకంటే ఈ ఏడాది ‘వాల్తేరు వీరయ్య’ మరియు ‘వీర సింహా రెడ్డి’ సినిమాలు తప్ప , పెద్ద సినిమాలు ఒక్కటి కూడా సూపర్ హిట్ అవ్వలేదు. విడుదలైన ప్రతీ సినిమా బాక్స్ ఆఫీస్ వద్ద బోల్తా కొట్టాయి. చిన్న సినిమాలు మాత్రమే ఈ ఏడాది బయ్యర్స్ కి ట్రేడ్ కి కాస్త బిజినెస్ ని తెచ్చి పెట్టాయి.
ఇలాంటి దుర్బలమైన పరిస్థితి ఈమధ్య కాలం లో ఎప్పుడూ కూడా రాలేదు, మొదటి సారి టాలీవుడ్ కి అలాంటి పరిస్థితి ఎదురైంది. దీంతో ఒక పెద్ద హీరో సినిమా సక్సెస్ కావాల్సిన అవసరం కచ్చితంగా ఉంది. అందుకే పవన్ కళ్యాణ్ బ్రో చిత్రం మీదనే బయ్యర్స్ మరియు ట్రేడ్ పండితులు భారీ ఆశలు పెట్టుకున్నారు. ఈ చిత్రం ఈ నెల 28 వ తారీఖున విడుదల చెయ్యడానికి సన్నాహాలు చేస్తున్నారు. ఇప్పటికే ఈ చిత్రానికి సంబంధించిన టీజర్, పాటలు విడుదల అయ్యాయి.
టీజర్ కి అద్భుతమైన రెస్పాన్స్ వచ్చింది కానీ , పాటలకు మాత్రం మిశ్రమ స్పందనే లభించింది. దీంతో ఫ్యాన్స్ ఒక బలమైన కంటెంట్ సినిమా మీద అంచనాలను పెంచే దానికోసం ఎదురు చూస్తున్నారు. ఇదంతా పక్కన పెడితే ఈ సినిమాకి సంబంధించిన ఒక లేటెస్ట్ న్యూస్ యిప్పుడు అభిమానుల గుండెలు ఆగిపొయ్యెలా చేస్తుంది. అదేమిటంటే ఈ చిత్రం విడుదల వాయిదా వేసే ఆలోచనలో దర్శక నిర్మాతలు ఉన్నట్టుగా వార్తలు వినిపిస్తున్నాయి.
సినిమాకి (Bro Movie) పవన్ కళ్యాణ్ కి సంబంధించిన డబ్బింగ్ వర్క్ ఇంకా పూర్తి కాలేదు. దానికి తోడు ప్రస్తుతం ఆంధ్ర ప్రదేశ్ లో ఉన్న పొలిటికల్ హీట్ కారణంగా బ్రో చిత్రానికి కావాల్సిన హైప్ జెనరేట్ అవ్వడం లేదు, అందుకే ఇప్పుడు వాయిదా వేసి, ఒక మూడు వారాలు గ్యాప్ తీసుకొని విడుదల చేస్తే ఎలా ఉంటుంది అని ఆలోచిస్తున్నారట. ఇది ఇంకా ఖరారు కాలేదు, చర్చల దశలోనే ఉంది, చూడాలి మరి.
హాస్టల్ డేస్ వెబ్ సిరీస్ రివ్యూ & రేటింగ్!
మహావీరుడు సినిమా రివ్యూ & రేటింగ్!
