‘ఉప్పెన’ సినిమా వచ్చి.. మంచి వసూళ్లు సాధించి వెళ్లిపోయింది. ఆ సినిమాలో నటించిన హీరో వరుస సినిమాలు విడుదల చేసేశాడు. హీరోయిన్‌ అయితే స్టార్‌ హీరోయిన్‌ అయిపోయి, ఇప్పుడిప్పుడే నేలకు దిగుతోంది. నిర్మాణ సంస్థ అయితే సినిమాల లెక్క ఆపేది లేదు అంటూ సాగిపోతోంది. అయితే దర్శకుడు మాత్రం ఇంకా రెండో సినిమా స్టార్ట్‌ చేయలేదు. అదిగో, ఇదిగో అంటూ వార్తలొస్తున్నా.. ఇంకా ఏదీ ఓకే కాలేదు. తాజాగా ఓ సినిమా ఓకే అయినా.. మళ్లీ కామానే అని అంటున్నారు.
ఇదంతా బుచ్చిబాబు సానా గురించే అని అందరికీ తెలిసిందే. ‘ఉప్పెన’ సినిమాతో అదిరిపోయే దర్శకుల జాబితాలో తన పేరును లిఖించుకున్నారు బుచ్చిబాబు. అయితే ఆ సినిమా ఇచ్చిన విజయం ఊపులో వరుసగా సినిమాలు చేస్తారేమో అనుకున్నారంతా. మెగా ఫ్యామిలీ హీరోను లాంచ్‌ చేశారు కాబట్టి.. కనీసం ఆ ఫ్యామిలీ నుండైనా అవకాశాలు వస్తాయి అనుకున్నారు. అది జరగలేదు, అలాగే తను బాగా అభిమానించే హీరో ఎన్టీఆర్‌ అవకాశం వస్తుంది అనుకున్నారు. కానీ అదీ జరగలేదు.
ఎన్టీఆర్‌తో బుచ్చిబాబుకు మంచి అనుబంధం ఉంది. సుకుమార్‌ దగ్గర బుచ్చిబాబు శిష్యరికం చేసినప్పుడు కలిగి పరిచయం.. చాలా మంచి స్నేహంగా మారిందట. ఈ క్రమంలో ‘పెద్ది’ అనే సినిమా కథను తారక్‌కు బుచ్చిబాబు వినిపించారని వార్తలొచ్చాయి. అంతా ఓకే అనుకున్నారని కూడా వచ్చాయి. కానీ కాలేదు. దీంతో రామ్‌చరణ్‌ దగ్గరకు వచ్చేశారు బుచ్చిబాబు. ఇప్పుడు ఇదంతా ఎందుకు అంటున్నారా? రామ్‌చరణ్‌ దగ్గరకు బుచ్చిబాబు ఏ కారణంతో వచ్చారో, మళ్లీ అదే జరుగుతోంది అని టాక్.
అంటే రామ్‌చరణ్‌తో సినిమా అంటూ ఇటీవల ఘనంగా అనౌన్స్‌ అయినా.. బుచ్చిబాబు ఇంకొన్నాళ్లు ఆగాల్సిందే అంటున్నారు. దానికి కారణం ఆ సినిమాకు ముందు చరణ్‌ ‘యూవీ క్రియేషన్స్‌’కి ఓ సినిమా చేయాలి. గౌతమ్‌ తిన్ననూరి ప్రాజెక్టు మాటల్లోనే ఆగిపోవడంతో యూవీ టీమ్‌ మరో దర్శకుడిని పట్టుకున్నారట. అతనే ప్రముఖ దర్శకుడు నర్తన్‌. ఇటీవల ఈయన చరణ్‌కు ఓ కథ చెప్పి ఓకే చేయించుకున్నారట. త్వరలో అనౌన్స్‌మెంట్‌ ఉంటుందట. ఈ సినిమా తర్వాతనే బుచ్చిబాబు సినిమా అంటున్నారు. ఈ విషయంలోనూ క్లారిటీ రావాలంటే యూవీ సినిమా విషయంలో క్లారిటీ రావాలి. వచ్చేస్తుంది అంట త్వరలో.
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
Home