శంకర్ 2 .0 మూవీకి పెరిగిన బడ్జెట్

తమిళ కమర్షియల్ డైరక్టర్ శంకర్ ప్రతి చిత్రాన్ని మాస్టర్ పీస్ లాగా రూపొందిస్తుంటారు. దర్శకుడిగా అపజయమంటూ ఎరగని ఇతనికి “ఐ” మూవీ ఓటమి రుచి చూపించింది. దీంతో ఎంతో కసితో 2 .0 సినిమాను భారతీయులు అందరూ గర్వించేలా తెరకెక్కిస్తున్నారు. సౌత్ ఇండియన్ సూపర్ స్టార్ రజనీకాంత్ ఇందులో శాస్త్రవేత్త గా మరోమారు ప్రయోగాలు చేయనున్నారు. ఆరేళ్లక్రితం వీరిద్దరి కాంబినేషన్లో వచ్చిన రోబో సంచలనం సృష్టించింది. ఆ చిత్రం కంటే ఈ మూవీ ఎన్నోరెట్లు ఆశ్చర్యాన్ని కలిగిస్తుందని చిత్ర బృందం ధీమా వ్యక్తం చేసింది.  బాలీవుడ్ యాక్షన్ హీరో అక్షయ్ కుమార్ విలన్ గా నటిస్తున్న 2 .0 ఫస్ట్ లుక్ అంచనాలను పెంచేసింది. తాజాగా ప్రేమికుల రోజున విడుదల చేసిన పోస్టర్ మరింత ఆసక్తిని కలిగిస్తోంది.

లైకా ప్రొడక్షన్స్ సంస్థ నిర్మిస్తోన్నఈ మూవీకో మొదట బడ్జెట్ 360 కోట్ల అనుకున్నారు. చిత్రం చివరి షెడ్యూల్ కి వచ్చేసరికి 450 కోట్లకు చేరిందని సమాచారం. విడుదల అయ్యేసరికి మరో 50 కోట్లు ఖర్చు అవుతుందని టాక్. ఇలా 500 కోట్లతో నిర్మితమవుతున్న ఈ మూవీ ఎన్నికోట్లు వసూలు చేస్తుందోనని ట్రేడ్ వర్గాలు ఇప్పటి నుంచే లెక్కలు వేస్తున్నాయి.  “ఐ” బ్యూటీ అమీ జాక్సన్ హీరోయిన్ గా నటిస్తున్న ఈ చిత్రానికి ఆస్కార్ అవార్డు గ్రహీత ఏ ఆర్ రెహమాన్ సంగీతాన్ని అందిస్తున్నారు.

Also, do SUBSCRIBE to our YouTube channel to get latest Tollywood updates.

Read Today's Latest Featured Stories Update. Get Filmy News LIVE Updates on FilmyFocus