మహేష్ బాబు సినిమాకి మళ్ళీ అదే సమస్య ఏర్పడుతుందట..!

టాలీవుడ్ సూపర్ స్టార్ మహేష్ బాబు హీరోగా నటిస్తున్న అప్ కమింగ్ మూవీ ‘సర్కారు వారు పాట’. విజయ్ దేవరకొండ తో ‘గీత గోవిందం’ వంటి బ్లాక్ బస్టర్ మూవీని తెరకెక్కించిన పరశురామ్(బుజ్జి) ఈ చిత్రానికి దర్శకుడు. బ్యాంకింగ్ కుంభకోణాల నేపథ్యంలో ఈ చిత్రం కథ సాగుతుందని ఎప్పటినుండో వార్తలు వస్తున్న సంగతి తెలిసిందే. ప్రస్తుతం దుబాయ్ లో ఈ చిత్రం షూటింగ్ జరుగుతుంది. అందుకు సంబంధించిన ఆన్ లొకేషన్ ఫోటోలు ఇటీవల సోషల్ మీడియాలో వైరల్ అయ్యాయి.

ఇదిలా ఉండగా.. ఈ చిత్రం షూటింగ్ ఇంకా సగంలో సగం కూడా అవ్వకుండానే కొత్త సమస్యలు ఏర్పడుతున్నాయనేది తాజా సమాచారం. అదే బడ్జెట్ సమస్య. ఈ చిత్రాన్ని ‘మైత్రి మూవీ మేకర్స్’ మరియు ’14 రీల్స్ ప్లస్’ సంస్థలు కలిసి నిర్మిస్తున్నాయి. ‘జి.ఎం.బి.ఎంటర్టైన్మెంట్స్’ నుండీ మహేష్ కూడా సహా నిర్మాతగా వ్యవహరిస్తున్నాడు. మొదట మహేష్ ఈ చిత్రానికి పెట్టేది ఏమీ ఉండదు. కాకపోతే సినిమా పూర్తయ్యాక ప్రమోషన్స్ కు అయ్యే ఖర్చులు అన్నీ అతనే పెట్టుకుని నాన్- థియేట్రికల్ రైట్స్ లో వాటా తీసుకోవడం మాత్రమే అతని పని.

అయితే ముగ్గురు నిర్మాతలు ఉండడంతో ఈ చిత్రానికి బడ్జెట్ పెరిగిపోతోందట. ముందుగా ప్లాన్ చేసుకున్నదానికంటే తరువాతి షెడ్యూల్స్ కు ఎక్కువ పెట్టాల్సి వస్తుందనేది ఇన్సైడ్ టాక్. గతంలో మహేష్ బాబు నటించిన ‘మహర్షి’ చిత్రానికి కూడా ఇదే సమస్య ఏర్పడింది.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?