‘ఆకాశం నీ హద్దురా’కి మరో ఆఫర్!

కోలీవుడ్ స్టార్ హీరో సూర్య నటించిన ‘ఆకాశం నీ హద్దురా’ సినిమా ఇటీవల ఓటీటీలో విడుదలై మంచి సక్సెస్ ని అందుకుంది. లాక్ డౌన్ లో ఓటీటీలో రిలీజైన ఏ సినిమా కూడా ఆశించిన స్థాయిలో ప్రేక్షకులను మెప్పించలేకపోయింది. కానీ సూర్య సినిమా ఓటీటీలకు ఊరటనిచ్చింది. మౌత్ టాక్ బాగా స్ప్రెడ్ అవ్వడంతో ఈ సినిమా కచ్చితంగా చూడాలని సినీ అభిమానులు భావిస్తున్నారు. ఈ సినిమాతో అమెజాన్ కి స‌బ్ స్క్రెబ‌ర్లు కూడా పెరుగుతున్నారని తెలుస్తోంది. మరోపక్క డిసెంబర్ నుండి రెండు తెలుగు రాష్ట్రాల్లో థియేటర్లు పూర్తిస్థాయిలో ఓపెన్ అయ్యే అవకాశాలు కనిపిస్తున్నాయి.

కనీసం యాభై శాతం ఆక్యుపెన్సీతో అనుమతులు రాబోతున్నాయి. డిసెంబర్ మొదటివారంలో థియేటర్లు ఓపెన్ చేస్తే అప్పటికి రిలీజ్ చేయడానికి కొత్త సినిమాలేవీ ఉండవు కనుక.. ఓటీటీలో రిలీజైన సినిమాలనే థియేటర్లలో ప్రదర్శిస్తారు. ‘వి’, ‘నిశ్శబ్దం’, ‘మిస్ ఇండియా’ వంటి సినిమాలను ప్రదర్శించాలని భావించిన ఎగ్జిబిటర్లు ఇప్పుడు సూర్య సినిమాపై ఆసక్తి చూపిస్తున్నారు. ‘ఆకాశం నీ హద్దురా’ సినిమా తెలుగు హక్కుల కోసం గట్టిగా ప్రయత్నాలు మొదలుపెట్టారు. ఎలాగో ఓటీటీలో రిలీజైన సినిమా కాబట్టి తక్కువ రేటుకే సినిమా దొరకచ్చనేది బయ్యర్ల ఆలోచన.

ఇప్పటికే ఈ సినిమాని లాభానికి అమ్ముకున్న నిర్మాతలకు ఈ థియేట్రికల్ రైట్స్ మీద ఎంతవచ్చినా అది బోనసే అవుతుంది. తెలుగులో సూర్యకి మంచి ఫాలోయింగ్ ఉంది. పైగా ఈ సినిమాకి హిట్ టాక్ వచ్చేసింది. కాబట్టి జనాలు ఈ సినిమాను చూడడానికి థియేటర్లకు వస్తారనే నమ్మకంతో ఉన్నారు. డిసెంబర్ లో థియేటర్లు తెరుచుకుంటే ఎక్కువ థియేటర్లలో సూర్య సినిమా కనిపించే ఛాన్స్ ఉంది.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!