క్రికెట్ లో సచిన్ లాగా టాలీవుడ్ లో రాజమౌళి పేరిట అనేక రికార్డ్స్ ఉన్నాయి. రాజమౌళి హిట్ ట్రాక్ నుండి తప్పింది లేదు. అతని రికార్డ్స్ ఆయన బద్దలు కొట్టాల్సిందే తప్పా మిగతా దర్శకుల వల్ల కావడం లేదు. ఇక బాహుబలి చిత్రం తర్వాత ఆయన బాలీవుడ్ దర్శకులకు సైతం టార్గెట్ సెట్ చేశారు. 1500కోట్లకు పైగా వసూళ్లు సాధించిన బాహుబలి ఆల్ టైమ్ ఇండియన్ హైయెస్ట్ గ్రాసింగ్ మూవీగా ఉంది. బాహుబలి హీరో ప్రభాస్ తో రాజమౌళి రికార్డులు బద్దలు కొట్టాలని యంగ్ డైరెక్టర్ సుజీత్ ప్రయత్నించాడు. భారీ యాక్షన్ ఎంటర్టైనర్ గా తెరకెక్కిన ఈ చిత్రం కనీసం తెలుగులో సైతం బాహుబలి రికార్డ్స్ టచ్ చేయలేకపోయింది.
ఈసారి మహానటి దర్శకుడు ఈ బాధ్యత తీసుకున్నట్లున్నాడు. నాగ్ అశ్విన్ ప్రభాస్ తో ఓ భారీ సైన్స్ ఫిక్షన్ మూవీ ప్రకటించారు. సీనియర్ ప్రొడ్యూసర్ అశ్వని దత్ నిర్మిస్తున్న ఈ చిత్రం ఈ ఏడాది చివర్లో సెట్స్ పైకి వెళ్లనుంది. చాలా కాలంగా ఈ స్క్రిప్ట్ పై పనిచేస్తున్న నాగ్ అశ్విన్ మూవీని భారీ బడ్జెట్ తో తెరకెక్కించనున్నాడని సమాచారం. ఇక ఆయనే స్వయంగా ఇది పాన్ ఇండియా కాదు పాన్ వరల్డ్ మూవీ అని చెప్పుకొస్తున్నారు. ఈ నేపథ్యంలో మళ్ళీ రాజమౌళి బాహుబలి రికార్డ్స్ ఈ చిత్రం చేరుకోగలదా అనే చర్చ మొదలైపోయింది. నాగ్ అశ్విన్ ఈ మూవీలో ప్రభాస్ ని సూపర్ హీరోగా చూపించనున్నాడనే ప్రచారం కూడా జరుగుతుంది. మరి ఈ యంగ్ డైరెక్టర్ అయినా బాహుబలి రికార్డ్స్ అందుకోగలడేమో చూడాలి.
Most Recommended Vide
‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!
