ఇల్లు కొనుక్కున్న అల్లు అర్జున్ ఫేవరెట్ హీరోయిన్!

తన స్నేహితులు రకుల్, రాశీఖన్నాను చూసి ఇన్స్పైర్ అయ్యిందో లేక అస్తమానం దుబాయ్ నుంచి షూటింగ్ నిమిత్తం హైద్రాబాద్ వచ్చినప్పుడల్లా హోటల్ లేదా గెస్ట్ హౌస్ లో ఉండడం ఇబ్బందికరంగా భావించిందో తెలియదు కానీ.. సడన్ గా హైద్రాబాద్ లో ఏకంగా ఒక డూప్లెక్స్ బిల్డింగ్ కొనేసి హైద్రాబాదీ అమ్మాయిగా మారిపోయింది దస్కీ బ్యూటీ కేతరీన్. తెలుగులో పెద్దగా అవకాశాలు లేకపోయినా తమిళంలో మాత్రం అమ్మడికి వరుస ఆఫర్లు వస్తున్నాయి. తెలుగులోనూ ఇటీవలే రవితేజ సరసన “తేరీ” రీమేక్ సైన్ చేసింది కేతరీన్.

ఇటీవల “జయజానకి నాయక” చిత్రంలో స్పెషల్ సాంగ్ చేసిన కేతరీన్ కు ఇదే విధంగా చాలా సినిమాల్లో స్పెషల్ ఆఫర్స్ వస్తున్నప్పటికీ.. ఆ సాంగ్స్ అన్నీ చేస్తే హీరోయిన్ గా తనకు వచ్చే ఆఫర్లు తగ్గిపోయే అవకాశం ఉందని గ్రహించిన కేతరీన్ చాలా జాగ్రత్తగా తన కెరీర్ ను ప్లాన్ చేసుకొంటోంది. మరి అల్లు అర్జున్ తో వరుసబెట్టి మూడు సినిమాల్లో నటించడమే కాకుండా మనోడి ఫేవరెట్ హీరోయిన్ కూడా అయిన కేతరీన్ కు అల్లు బాబు మళ్ళీ ఏదైనా క్రేజీ ఆఫర్ ఇస్తాడేమో చూడాలి.