Chaavu Kaburu Challaga: ఆహాలో చావుకబురు చల్లగా .. హిట్టవుతుందా..?

April 11, 2021 / 05:03 PM ISTByFilmy Focus

Join Us

Chaavu Kaburu Challaga: ఆహాలో చావుకబురు చల్లగా .. హిట్టవుతుందా..?

కరోనా విజృంభణ, లాక్ డౌన్ నిబంధనల అమలు తరువాత ప్రేక్షకులు కరోనా భయం వల్ల థియేటర్లకు దూరమవుతున్నారు. సినిమాకు హిట్ టాక్ వస్తే మాత్రమే థియేటర్లలో సినిమాలు చూడటానికి ఆసక్తి చూపుతున్నారు. కార్తికేయ, లావణ్య త్రిపాఠి జంటగా నటించిన చావుకబురు చల్లగా సినిమా గత నెల 19వ తేదీన విడుదలైన సంగతి తెలిసిందే. ఈ సినిమాకు ప్రేక్షకుల నుంచి యావరేజ్ టాక్ రాగా కలెక్షన్లు మాత్రం ఎక్కువగా రాలేదు. గీతా ఆర్ట్స్ 2 బ్యానర్ పై తెరకెక్కిన సినిమాలు బ్లాక్ బస్టర్ హిట్లు కావడంతో చావుకబురు చల్లగా సినిమాపై నమ్మకంతో డిస్ట్రిబ్యూటర్లు ఎక్కువ మొత్తం ఖర్చు చేసి ఈ సినిమా హక్కులను కొనుగోలు చేశారు.

ఈ సినిమా వల్ల డిస్ట్రిబ్యూటర్లకు దాదాపు 8 కోట్ల రూపాయల నష్టం చూసినట్టు తెలుస్తోంది. ఈ సినిమా ఈ నెల 23వ తేదీ నుంచి ఆహా ఓటీటీలో విడుదల కానుంది. చావుకబురు చల్లగా థియేటర్లలో విడుదలైన ఐదు వారాల తరువాత ఆహాలో స్ట్రీమింగ్ కానుండటం గమనార్హం. ఈ సినిమాలో కార్తికేయ బస్తీ బాలరాజు పాత్రలో, లావణ్య త్రిపాఠి మల్లిక పాత్రలో నటించారు. కార్తికేయ, లావణ్య తమ పాత్రలకు న్యాయం చేసినా కథ, కథనాల్లోని లోపాలు సినిమా ఫ్లాప్ కావడానికి కారణమయ్యాయి.

థియేటర్లలో ఫ్లాప్ ఫలితాన్ని అందుకున్న చావుకబురు చల్లగా ఓటీటీలో హిట్ అనిపించుకుంటుందేమో చూడాల్సి ఉంది. ఈ సినిమా డిజిటల్ హక్కులకు సంబంధించిన వివరాలు తెలియాల్సి ఉంది. చావుకబురు చల్లగా ఫ్లాప్ అయినా కార్తికేయకు మాత్రం హీరోగా వరుస ఆఫర్లు వస్తుండటం గమనార్హం.