తారక్ పై సంచలన కామెంట్స్ చేసిన చలపతిరావు

అమ్మాయిలు పక్కలోకి పనికొస్తారు? అంటూ వివాదాస్పద కామెంట్స్ చేసి వార్తల్లోకి నిలిచిన సీనియర్ నటుడు చలపతిరావు మరోసారి సంచలన కామెంట్స్ చేశారు. జై లవకుశ టీజర్ లో ఎన్టీఆర్ నటనను చూసిన ప్రతి ఒక్కరూ మహానటుడు నందమూరి తారకరామారావు ని గుర్తుకు తెస్తున్నారని అభినందిస్తుంటే చలపతిరావు మాత్రం విమర్శించారు. మహానుభావుడికి సాటి ఎవరూ రారని, ఆయన నట వారసుడుగా ఇప్పుడు ఎవరూ లేరని స్పష్టం చేశారు. సీనియర్ ఎన్టీఆర్, జూనియర్ ఎన్టీఆర్ తో కలిసి పనిచేసిన చలపతిరావు ఈ విధంగా మాట్లాడడం ఆశ్చర్యానికి గురిచేసింది. “నాకు తెలిసినంత వరకు పెద్దాయనకు చుట్టూప్రక్కల పది కిలోమీటర్ల వరకు ఎవరూ రాలేరు, రారు..!

జూనియర్ ఎన్టీఆరే కాదు, ఎవరికీ అంత సీన్ లేదు. ఆయన తీరు వేరు, ఆయన క్రియేషన్ వేరు” అని మొహమాటం లేకుండా చెప్పారు. పెద్దాయన సినిమాలను రీమేక్ చేస్తే అవన్నీ ఫ్లాప్ లే అవుతాయి. గతంలో బాలకృష్ణ చేసి పజయాలను మూటగట్టుకున్నాడు. జూనియర్ ఎన్టీఆర్ మంచి నటుడే, ఏ పాత్రలైనా చేయగలడు గానీ, రావణాసురుడు వేషం వేస్తే… డైలాగ్ ల వరకు బాగానే చెప్తాడు గానీ, ఆ ఆహార్యం సరిపోదు. మరీ జానేడు ఉంటాడు”  అని వివరించారు. ఆయన మాటలకు తారక్ అభిమానులు ఏకీభవించడం లేదు.

Also, do SUBSCRIBE to our YouTube channel to get latest Tollywood updates.