రిలీజ్ ముందే టేబుల్ ప్రాఫిట్!

ఈమధ్యకాలంలో సినిమాలు రిలీజైన వారం తర్వాత కూడా ప్రొడ్యూసర్ పెట్టిన పైసల్లో పదిశాతం కూడా రిటర్న్ రావడం లేదు. అలాంటిది విడుదలకు వారం ముందే “ఛలో” నిర్మాతలు టేబుల్ ప్రాఫిట్ తో సంతోషంగా ఉన్నారు. నాగశౌర్య-రష్మిక జంటగా త్రివిక్రమ్ శిష్యుడు వెంకీ దర్శకత్వంలో తెరకెక్కిన “ఛలో” చిత్రం ఈవారం (ఫిబ్రవరి 2) విడుదలవుతుంది. ఆరు కోట్ల లోపు బడ్జెట్ తో తెరకెక్కించబడిన ఈ యూత్ ఫుల్ ఎంటర్ టైనర్ రిలీజ్ కి ముందే 8 కోట్ల బిజినెస్ చేసింది. అది కాకుండా కంటెంట్ మీదున్న అపారమైన నమ్మకంతో చిత్రబృందం నైజాంలో ఓన్ రిలీజ్ చేస్తున్నారు. ఓవర్సీస్ లోనూ “ఛలో” మంచి బిజినెస్ చేసింది.

నాగశౌర్య పాత సినిమాల రిజల్ట్స్ తో సంబంధం లేకుండా జరుగుతున్న “ఛలో” ప్రీరిలీజ్ హల్ చల్ చూస్తుంటే సినిమా మీద ఎక్స్ పెక్టేషన్స్ భీభత్సంగా పెరిగిపోతున్నాయి. పెరుగుతున్న అంచనాలను మాత్రమే కాక ఎక్కువమంది ప్రేక్షకులకు రీచ్ అవ్వడం కోసం చిత్రబృందం చేస్తున్న ప్రమోషన్స్ ను కూడా మెచ్చుకోవాలి. ఎన్నడూలేని విధంగా నాగశౌర్య “ఛలో” సినిమాని విశేషమైన రీతిలో ప్రమోట్ చేస్తున్నాడు. ఆల్రెడీ ఆడియన్స్ “ఛలో” సినిమా కోసం ఎదురుచూడడం ప్రారంభించారు. స్టార్ హీరో అయిన రవితేజ నటించిన “టచ్ చేసి చూడు” కూడా సేమ్ డేట్ కి రిలీజవుతున్నప్పటికీ.. ఆడియన్స్ ఎక్కువగా “ఛలో” సినిమాపై ఆసక్తి చూపుతుండడం విశేషం. చూస్తుంటే.. “ఛలో”తో శౌర్య సూపర్ హిట్ కొట్టేలా ఉన్నాడు.