ఓవర్సీస్ లో ఎక్కువ స్క్రీన్స్ లో రిలీజ్ కానున్న ఛలో!

ఓవర్సీస్ లో బాహుబలి, అత్తారింటికి దారేది వంటి భారీ బడ్జెట్ సినిమాలు మాత్రమే కాకుండా ఫిదా, పెళ్లి చూపులు, అర్జున్ రెడ్డి వంటి చిన్న సినిమాలు సైతం ఎక్కువ కలక్షన్స్ సాధిస్తున్నాయి. రీసెంట్ గా విడుదలైన అనుష్క భాగమతి కూడా వన్ మిలియన్ డాలర్ల మార్క్ ని చేరుకుంది. ఈ జాబితాలోకి నాగశౌర్య ఛలో మూవీ కూడా చేరుకోబోతోంది. వెంకీ కుడుముల దర్శకత్వంలో తెరకెక్కిన ఈ సినిమా మొదటి నుంచి ఆకర్షిస్తోంది. కన్నడ బ్యూటీ రష్మిక హీరోయిన్ గా నటించిన ఈ చిత్రం టేబుల్ ప్రాఫిట్ సాధించింది. ఐరా క్రియేషన్స్ బ్యానర్లో ఉషా ముల్పూరి నిర్మించిన ఈ సినిమా రేపు (ఫిబ్రవరి 2 న) తెలుగు రాష్ట్రాల్లో గ్రాండ్ గా రిలీజ్ కాబోతోంది. ఇక్కడ మాత్రమే కాకుండా ఓవర్సీస్ లోను సుమారు 109 స్క్రీన్లలో ప్రదర్శించనున్నారు.

నాగశౌర్య మూవీ ఇన్ని స్క్రీన్స్ లో షో వేయడం ఇదే తొలి సారి. అలాగే ఈ రోజు రాత్రి ప్రీమియర్ షో వేయనున్నారు. తొలి షోతో మంచి టాక్ సొంతం చేసుకుంటే ఛలో భారీ వసూళ్లు సాధించే అవకాశం ఉందని అక్కడి ట్రేడ్ వర్గాల వారు తెలిపారు. దీంతో నాగశౌర్య మార్కెట్ పెరిగే అవకాశం ఉంది. మహతి సర్వ సాగర్  స్వరపరిచిన పాటలు ఇప్పటికే అందరి హృదయాల్లో చేరిపోయాయి. సినిమా రిలీజ్ అయిన తర్వాత మరింత మందిని ఆకట్టుకోనున్నాయి.