Gaalivaana: ‘జీ5’ వారి ‘గాలివాన’ లో చాందినీ చౌదరి పాత్ర అలా ఉంటుందట..!

April 13, 2022 / 04:37 PM IST

Join Us

Gaalivaana: ‘జీ5’ వారి ‘గాలివాన’ లో చాందినీ చౌదరి పాత్ర అలా ఉంటుందట..!

గోదావరి జిల్లాలో నివసించే రెండు కుటుంబాలు.ఆ కుటుంబ పెద్దలు సరస్వతి, కొమర్ రాజు. వీరు వియ్యం అందుకుని బంధుత్వం కలుపుకుంటారు. కానీ అనూహ్యంగా వీళ్ళ బిడ్డలు దారుణ హత్యకి గురవుతారు. ఈ నేపథ్యంలో వాళ్ళు పగతో రగిలిపోతారు. వీళ్ళ బిడ్డల్ని చంపిన వాళ్ళను చంపి పగ తీర్చుకోవాలి అని డిసైడ్ అవుతారు.అయితే వీళ్ళు ఎవరినైతే చంపాలి అనుకుంటున్నారో అతను యాక్సిడెంట్ కు గురయ్యి వీళ్ళ ఇంటి వద్దకు చేరుతాడు. తెల్లారేసరికి అతను చచ్చిపడి ఉంటాడు.

Click Here To Watch Trailer

మరి అతన్ని చంపింది వీళ్ళలో ఒకరా? లేక బయటి వ్యక్తా? అన్నది ‘జీ5’ లో ఏప్రిల్ 14 నుండీ స్ట్రీమింగ్ అయ్యే ‘గాలి వాన’ సిరీస్ చూసి తెలుసుకోవాలి. .జీ 5’… ఈ మధ్యకాలంలో కొత్తదనంతో ఉండే కంటెంట్ ను ప్రేక్షకులకు అందించాలని అనుక్షణం తహతహలాడుతూ..మంచి సినిమాలు, ఒరిజినల్‌ మూవీస్‌ మరియు వెబ్‌ సిరీస్‌లతో ప్రేక్షకుల ముందుకు వస్తున్నారు. ప్రతి నెలా ఓ కొత్త వెబ్‌ సిరీస్‌ ఇందులో రిలీజ్ అవుతుంది.

ఇప్పుడు ‘గాలివాన’ పేరుతో మరో సస్పెన్స్ అండ్ థ్రిల్లింగ్ వెబ్‌ సిరీస్‌ ప్రేక్షకుల ముందుకు రానుంది. ఇక ‘గాలి వాన’ లో సీనియర్‌ హీరోయిన్‌ నటి రాధిక శరత్‌ కుమార్‌, హీరో సాయి కుమార్‌ ప్రధాన పాత్రల్లో నటిస్తున్నారు. చాందినీ చౌదరి కూడా ఇందులో కీలక పాత్ర పోషిస్తుంది.’గాలివాన’ లో ఆమె పాత్ర చాలా వైవిధ్యంగా అదే సమయంలో చాలా కీలకంగా ఉంటుందని స్పష్టమవుతుంది. సరస్వతి అలియాస్ రాధికా కూతురు శ్రావణి పాత్రలో చాందినీ కనిపించబోతుంది. ఈ వెబ్ సిరీస్ తో ఆమెలోని మరో కోణాన్ని ప్రేక్షకులకి చూపించి ఆకట్టుకునే అవకాశాలు ఎక్కువగా ఉన్నాయని తెలుస్తుంది.

‘తిమ్మరుసు’ ఫేమ్‌ శరణ్‌ కొప్పిశెట్టి ఈ వెబ్ సిరీస్ కు దర్శకుడు.’శరణ్ గారితో వర్క్‌ చేయాలని చాలా ఆసక్తిగా ఎదురుచూస్తున్నాను.నాకు చిన్నప్పటి నుండి క్రైమ్‌, థ్రిల్లర్స్‌ అంటే చాలా ఇష్టం. అలాంటి ఇష్టమైన సబ్జెక్ట్‌లో రాధిక మేడం, సాయికుమార్‌ వంటి సీనియర్ నటులతో కలిసి నటించే అవకాశం వచ్చినందుకు చాలా సంతోషంగా ఉంది’ అంటూ చాందినీ చౌదరి చెప్పుకొచ్చింది. ఇక ఈరోజు రాత్రి 12 గంటల నుండీ ‘గాలివాన’ సిరీస్ స్ట్రీమింగ్ కానుంది.