Allu Arjun: బన్నీపై ప్రశంసల వర్షం కురిపించిన చంద్రబాబు.. ఏం జరిగిందంటే?

పుష్ప ది రైజ్ సినిమాకు నేషనల్ అవార్డ్ రావడంతో బన్నీ అభిమానుల ఆనందానికి అవధులు లేకుండా పోయాయి. బన్నీ తాజాగా నేషనల్ అవార్డ్ వచ్చినందుకు పార్టీ ఇవ్వగా అందుకు సంబంధించిన ఫోటోలు నెట్టింట వైరల్ అవుతున్నాయి. బన్నీకి అత్యంత సన్నిహితులు మాత్రమే ఈ పార్టీకి హాజరయ్యారని సమాచారం అందుతోంది. నిన్న రాత్రి బన్నీ ఇంట ఈ ఈవెంట్ జరిగింది. తనకు నేషనల్ అవార్డ్ రావడంతో అల్లు అర్జున్ ఫుల్ జోష్ లో ఉన్నారు.

జాతీయ చలన చిత్ర అవార్డుల చరిత్రలో ఉత్తమ నటుడు అవార్డ్ ను సొంతం చేసుకున్న తొలి తెలుగు నటుడు బన్నీ కావడంతో బన్నీ ఎంతో సంతోషిస్తున్నారని సమాచారం. బన్నీకి నేషనల్ అవార్డ్ రావడం గురించి మాజీ ముఖ్యమంత్రి, టీడీపీ అధినేత చంద్రబాబు నాయుడు స్పందిస్తూ పుష్ప సినిమాలో నా ఫోటో పెట్టారని అలా పెట్టడం వల్ల అధికార పార్టీ నేతలు ఏడుస్తున్నారని అన్నారు. పుష్ప సినిమాలోని కొన్ని సీన్లలో బ్యాగ్రౌండ్ లో నా ఫోటో కనిపిస్తుందని చంద్రబాబు చెప్పుకొచ్చారు.

ఆ సినిమాలో చూపించిన కాలంలో నేను ముఖ్యమంత్రిగా ఉన్నానని నా ఫోటో పెట్టి ఉండవచ్చని లేదా ఎర్రచందనం స్మగ్లర్లను నేను కంట్రోల్ చేశానని నా ఫోటో పెట్టి ఉండవచ్చని ఆయన చెప్పుకొచ్చారు. ఉత్తమ నటుడిగా అవార్డ్ గెలుచుకున్న బన్నీకి శుభాకాంక్షలు అని చంద్రబాబు తెలిపారు. అలాగే వేర్వేరు విభాగాల్లో అవార్డులు సొంతం చేసుకున్న వాళ్లకు శుభాకాంక్షలు అని చంద్రబాబు కామెంట్లు చేశారు.

పుష్ప ది రైజ్ సినిమాలో రెండు సన్నివేశాల్లో బ్యాగ్రౌండ్ లో చంద్రబాబు ఫోటో కనిపిస్తుంది. (Allu Arjun) బన్నీకి ఉత్తమ నటుడిగా అవార్డ్ వచ్చిన నేపథ్యంలో చంద్రబాబు ఈ విషయాలను మరోమారు గుర్తు చేశారు. పుష్ప ది రైజ్ కలెక్షన్లకు రెట్టింపు స్థాయిలో పుష్ప ది రూల్ కలెక్షన్లు ఉంటాయని ఫ్యాన్స్ భావిస్తున్నారు.

గాండీవదారి అర్జున సినిమా రివ్యూ & రేటింగ్!

బెదురులంక 2012 సినిమా రివ్యూ & రేటింగ్!
కింగ్ ఆఫ్ కొత్త సినిమా రివ్యూ & రేటింగ్!