డీజే పాటలో ఆ పదాలను తొలిగిస్తామన్న దిల్ రాజు

సరైనోడు సినిమా తర్వాత అల్లు అర్జున్ చేస్తున్న దువ్వాడ జగన్నాథం సినిమా పాటలు, ట్రైలర్ దుమ్ములేపుతున్నాయి. ఇందుకు చిత్ర బృందం ఆనందంలో ఉంటే  ‘ఒడిలో బడిలో..’ పాటలో వాడిన సాహిత్యం అసభ్యకరంగా, బ్రాహ్మణులను కించపరిచేవిధంగా ఉన్నాయని రేగిన వివాదం ఇబ్బందిని కలిగిస్తోంది. దానిపై దర్శకుడు హరీష్ శంకర్ అర్ధం చేసుకోండని వివరణ ఇచ్చినా బ్రాహ్మణ సంఘాల వారు శాంతించలేదు. ‘అగ్రహారంలోని తమలపాకల్లె..’ అనే పదాన్ని తొలిగించాలని పట్టుబట్టారు. దీంతో ఈ వివాదం పెద్దది కావడం ఇష్టం లేక నిర్మాత దిల్ రాజు రంగంలోకి దిగారు.

బ్రాహ్మణులు అభ్యంతరం చెప్పిన పదాలను తొలిగించి కొత్త సాహిత్యంతో పాటను మళ్ళీ రికార్డింగ్ చేయనున్నట్లు స్పష్టం చేశారు. ఆ పనిలోనే హరీష్ శంకర్ ఉన్నారు. ఎవరికీ ఇబ్బంది కానీ సాహిత్యాన్ని రాయించి.. సంగీతం దెబ్బ తినకుండా జాగ్రత్త పడుతున్నట్లు తెలిసింది. సరిజేసిన “గుడిలో బడిలో” పాటను త్వరలోనే రిలీజ్ చేయనున్నారు. అప్పటికి గానీ ఈ వివాదం సద్దుమనగదు. పూజ హెగ్డే హీరోయిన్ గా నటిస్తున్న ఈ చిత్రం ఈనెల 23న థియేటర్లలోకి రానుంది.

Also, do SUBSCRIBE to our YouTube channel to get latest Tollywood updates.